6-1-09(一)終於可以去滑雪，期待已久呢!我地玩snowboard，我地坐鑑車上山後再滑落地下，起初我跌到死死下，全團人最遲一個落到地下，跌到好累，好想放棄，唔再玩了，但俾左錢唔好sign，同埋全團人都係到等我，唯有再挑戰過。

    第二次準備下山時，突然開竅，當握到導遊所講要玩snowboard只得兩個技巧，就係腳跟向後壓同放低，於是我明白到當自己就準備跌時，就要腳跟向後壓，於是我識玩snowboard了，成為全團人第一個人滑到山下，後來上車時導遊都有讚我話圍棋阿妹玩得唔錯呢!hehe!過獎!

    導遊River話玩到3次以上滑雪已經回本了，我玩左4次，yeah，其後想玩多次，不過領導唔俾話夠鐘，車!我都識話，唔駛2分鐘落到o黎，結果白白等左幾個字，早知上去玩多次啦!

    其實，都有驚險野發生架!話說第二次上山時，正準備下來，發覺唔見左個眼罩，導遊話d眼罩好值錢，任何人見到都會得一時執左佢，佢叫我執番人地個補數，如果唔係賠錢lor，10000蚊到!唉!都預左賠錢了，好彩第四次上山途中，我一直望住鑑車路，我總覺得我係跌左落去，結果真係俾我見到鑑車路下有眼罩，好野!搵得番!後來同團另一個人都唔見大眼罩，但係要賠40000蚊落，成廿百幾蚊港紙，好錯我執得番啫!

下午去Everland玩，有lionger睇(lion + tiger一起生)，River話第二隻係女叫拉拿，第三隻死左叫拉柴，Rive真係好鬼抵死!我鐘意呢個導遊呢!(係歷年來旅行中，我最鐘意的一個)，係旅遊巴上睇動物，我睇唔到lionger lor，因為導遊講果隻野時，我都唔知佢講邊隻，遲d係youtube到睇睇佢真面目先。

動物園裡d熊都好搞笑，識做好多動作，如敬禮、拍手同sexy post!

Ps其實我都係一隻白色熊

跟住去樂園玩雪dou，都幾好玩，同一間4d屋係最正，即使180度倒轉都唔驚，因為周圍東西也會移動，擾亂左d視覺效果，但最搞笑o既係臨尾完前個刻，張椅會搞你pat pat，無情情俾人非禮tim!

係樂園到買左枝手指棒，可以攞番香港教書用呢!

最後玩埋呢個洗衣機，玩o既過程中，望到天上星星好靚!

玩完返落地下時，更加要望下天上星星，望離巿區下，望到滿天星，何其優美呢!

Ps愛上滑雪，我想年年滑雪呢!