6-1-09(二)上星期四問阿何佢結婚時用左邊首歌曲做backhground music，我話佢知想搵一首歌o既melody，我肯定係我去過飲宴上聽的，我記得念念用藍天做證、而我也問過阿姚，佢話佢用I know I love you，但我又記得阿何果首歌係愛很簡單，但我一問阿何，佢已經即刻啍到我想要o既個首歌。原來呢首歌係佢老公用作整蛋糕送俾阿何時播的。但佢問個老公都唔知歌名。

    我早兩日睇電視都見到呢首歌隻cd賣廣告，但我又睇唔到歌名，又睇唔清碟名，所以一直都未搵到。

    今朝佢同我講佢已經download左隻碟了，原來首歌個叫《我在那一角落患過傷風》。呢首歌都算搵得快了，之前想搵林憶蓮個首《激情》就搵左好多年了。

早上同小朋友講番18年前我隻雞仔(三仔)跳落街的事，原來18年…18年前的心情應該唔開心，但事過境遷，18年前後今日心情不錯呀!

http://hk.youtube.com/watch?v=eVdB81QeS1g

傷風，能夠用藥治好，中藥太慢，西藥太傷身體，其實最大o既問題係懶得太醫生，所以我會選擇自然地好。

 Lunch打電話check frist aid 是否合格，結果當然是合格啦!不過我估我做mc個part都應該是剛剛合格多少少(30條題目中要對18條才能pass)

 放工又再返學了，下學期第一科係上中國文化，個miss(吳淑瑩)講得都幾生動，同埋我本身對中國文化和歷史都有興趣，所以再眼瞓都願意聽。