9-12-08(一)放5:30，去嘉樂商場同豪哥、家媛、Phoebe、Heath一齊唱k，Green box的確好多新歌，但happy hour都幾貴，起初話由6:00唱到9:45，冇人可以繼續唱，豪哥、家媛9點幾走左後，叫左焯賢來唱，我地唱到10:.30就cut歌了，跟住我地去左捉棋。

   (勁鐘意今之整的水晶甲)

(2年前整的水晶甲)

30-12-08(二)早上同小朋友去香港圖書館o既玩具圖書館，我都係第一次入玩具圖書館，入面真係有好多玩具玩，啱曬d小朋友玩。臨走時，重教d小朋友借書呢!

調班放5:00，同阿Lo一齊去紅磡廣場整指水晶甲，早兩年都整過了，當時都覺得好靚，但又好唔方便，因為打字、彈琴、彈結它都會有阻礙。呢大半年成日見到阿Lo同阿何兩個整到鬼死咁靚，自己都有d心想整番，加上想戒一戒 ‘ meet‘手指甲呢個壞習慣，所以心血來潮走去整下。

     整到8:00走，坐小巴出番旺角，同惠凌、June、Angel、Yanny一齊打邊爐，呢期又走去食西柚減肥餐，所以我打邊爐前先食了半個西柚，佢地見到我食西柚都覺得好搞笑，因從未見過人會咁做。

     此外，佢地見到我整水晶甲都好意外，因為點解學校會俾!haha!個main point係個主任同個同事帶我去整tim，上頭都冇人話，所以下屬咪會整lor!其實呢個學校都幾feel，又可以染髮，又可以留手指甲。

31-12-08(三)3:00收埋leave，因4:00要去睇皮膚覆診(濕疹)，所以早走，睇完醫生就歸家，食完晚飯就瞓覺，瞓到9:3睇埋珠光寶氣就返年更崇拜。

    聽下人地o既感恩事項，都不錯。最傳奇o既係聽到一位剛洗禮o既弟兄o既分享，他覺得自己能生存己是奇蹟，佢媽媽係病態毒徒、爸爸嗜酒，有家庭暴力事件發生，小時常進出警署，長大了入童黨，逃學賺錢買名牌，想過死，但神話既然你不要你的命，就給他吧!結果他信了信，亦改變了他的一生。現家讀書都攞埋學位了，神真係好奇妙!雖然我的一生比不上他的傳奇，但我同樣感到神改變左我生命o既睇法，他使我的人生得到依靠，能開開心心地過活，能得到不為明天憂慮的平安和祝福，是何等寶貴的禮物。

     12:00教堂鳴鐘，然後互相握手祝福，好一福溫馨的場境。

     之後提團去食粥，跟住同Phoebe、Joe、阿甘去Mandy、偉仔屋企睇相。