5-12-08(一)琴晚都明知係轉更，但校鬧鐘時，竟然做去校8：00起身，結果起身時，就知自己遲到，唯有坐的士返工啦!

    視學順利，冇咩問題，可能year 1吧!老師都係係咁2睇睇我set o既問題，同埋識唔識搵reference做功課啫。

    放5：00，已即做，諗住坐5：10o既免費巴士，點知未去到巴士站，已見到有架巴士開走了，又會咁快客滿，唯有等5：30個班啦!

    回家溫frist aid，但都冇咩心情溫，結果就去捉圍棋，真係抵死!

16-12-08(二)返8：00，放5：00，早上收到Icy送我一份聖誕禮物，聖誕第一份禮物，份禮物係一隻鴨仔日暦，好得意架!多謝曬!

放工係出金鐘地鐵站會合阿蒙，一齊食大家樂，跟住上ST JOHN總部等考試。

    Mc 30題要合格18題，我都驚我自己只是剛剛pass，因為實在冇溫書，只係睇天書，一條問題問人體有幾多升血4 /6 /8 /10，我都唔識，答題時重係到諗如果人體有一公升的眼淚，應該唔會好多血怪，咁多血，個人咪會好重lor，結果choice 4(後睇番時先知係5-6)，另一條問BB脈搏少過幾多下要做CPR 60 /70 /80 /90，都係撞60吧!

    跟住考BB CPR，對上一次考BB，今次都係，考得超好，做完一次CPR後，考官唔駛我再做多幾下，就話完了，對比上一次考試，我托BB個頭托得太後，連吹氣都吹唔漲，要個考官幫我禁番低個BB，我先吹到，今次實在好太多了。

    等埋阿蒙考成人CPR時，就再去考包紥，我地排尾三同尾四，等考試時，我到個人好似Carolyn(IVE BA 同學仔)，阿蒙考手指骨折同頭部出血(佢就好啦!考咁易)，佢漏左未加橫闊帶就同考官講話包完，跟住個考官好好人話你重有時間，我就提阿蒙話佢爭橫闊帶。

     到我抽卡，我抽中右手前血，同右盤骨骨折，開心死我了，因為包螺旋形包帶又容易! 盤骨骨折又簡單，如果考上身骨折就麻煩，因為我都驚自己會調亂，而家考下身骨就易好多了!Yeah!不過到最後，我竟然將膝蓋條三角巾綁得鬆了點，但鞋個條就好實，不過都應該會pass的。

    考曬試了，輕輕鬆鬆等聖誕節放4天假。

    經過Mrs field，買了d曲奇餅做明天早餐，返屋企後，阿媽食完都話好食。

17-12-08(三)Holiday mood太重，Lunch都冇咩心機做野，成個Lunch只係打得3日教案，效率其低。掛住同阿Lo、阿何吹水，同玩IQ題，阿Lo問左條IQ題係，消防員猜一個地鐵站名。原來個答案係我成日都會去o既地方。

    放工出佐敦做facial，跟住同Vicky去食沙嗲王，佢問我有冇好消息，因為琴日Phoebe知道色士風考試合格，佢就今日收工新工offer，那我只希望明天到我有好消息啦!

    9：30leave，去了Mrs field買鬆餅。