13-12-08(六)10:30起身，上網搵定d圖書資料，以方便到香港中央圖書館搵書，去到中央圖書館，感覺好好，突然覺得自己有文化左，同埋見到d小朋友係到睇書，我諗將來佢地都係一個愛閱讀的人。帶小朋友去圖書館，真係一個好去處。搵完書都成1：15，阿蒙重係觀塘d銀行到，我地約去金鐘食lunch，就係知佢有排先到，我就佳丁丁慢慢過去金鐘。

    Lunch食麥當勞，跟住坐的士去St John總部上堂，去到都成2：30遲左半個鐘。跟住上堂練左一次成人和BB o既CPR，同埋一D包紥。

    6點幾又行番去金鐘食canteen，再坐番巴士返去，返到去又7：30，但都冇乜心機再上堂，因為都累了，一心諗住返屋企先再睇下佢D碟，咪會識D包紥!(今次都係第3次了，所以對D包紥、CPR都有相當的認識)

    9點走了，同阿蒙行落去金鐘，本身行入地鐵站，但突然醒起阿蒙話想坐巴士，跟住又行番出去坐巴士，結果坐埋巴士出旺角，都成10點了，早知一早坐地鐵LA，可能可以快半個鐘到旺角。(事關等巴士又要時間，巴士又繞圈)

    係嘉樂商場到等王子、焯賢同Dranell，跟住去麥當勞捉棋，首先王子同焯賢捉，小鈺11點先來，之後我同小鈺捉，捉到點幾就走了。

14-12-08(日)返午堂崇拜，我一向都係第二個星期日鳴鐘，但我又未收到12月o既待奉表、又冇收到電話通知，所以我都唔知駛唔駛鳴，但都早左返去，返到去先知唔駛鳴。

    崇拜後歸家，諗住瞓陣先溫first aid，但又係到睇千機變2，跟住3：30瞓到5：00時，收到Mandy電話，佢話下午食得飽，所以不如改第二晚先去佢屋企食飯，好主意，因為我又未瞓夠，又未溫書，都係唔出街好，6：00起身，跟住睇下first aid個隻vcd碟，同埋琴日借個d圖書，是關係明天視學前，我都要將d書內容影印做reference。

    本心好想睇埋14歲的媽媽先瞓，但12：45先做，實在太夜了，是關明天轉更，要返8：00，7：00起身。