(一堆公仔夾埋來做比比，夠諗頭!)

(依足課本做)

(乒乓波波，咁都諗到!勁wor!)

(用飲管整的超幼比比!)

(比比好似冇咁多腳的，不過夠colourful我鐘意!)

(毛毛蟲心比，都係鐘意你d七彩顏色，實得我呢d好色之人o既歡心)

(方形頭比比，幾得意wor!)

(笛子比比，可以當牧童笛咁吹)

 
(呢雙曱甴比比，實在有點兒....)

放工上左棋社捉棋，同Dickson捉棋，而阿Frank都帶左佢朋友charry來，而charry又帶佢另一個台灣朋友Rocky來，當Dranell教佢地捉棋時，佢感覺不自然，因為佢一同charry講野，Rocky會啤住佢，於是我同阿Frank都客寸去教下佢地。

    捉到8:30走了，坐地鐵過去始創，飲阿姚個餐，去到時，大家都入席曬，counter都收埋tim!

    常樂同事阿蒙、阿蕭同佢個女、阿卿、阿梁同阿何都有去。阿何轉左做咖啡妹，呢期training所以好累，佢第一個最早走，跟住阿梁呢期係調左去慈雲山返工，晚晚八、九點先走，佢也累呢，而阿卿、阿蕭同佢個女都想早d走，佢地食完碟魚已話走了，唔制呀!我連最鐘意o既雞都未食就走，於是叫佢地等我食埋件雞先走啦!結果食左2塊雞後就一起走了，10:30就走了。

    我又再返去搵棋友佢地食野，始終同班棋友仔一齊吹下水都係一件開心o既事。