18-11-08(二)今日社工同班仔上性教育堂，佢住枝棒扮壞人去掂小朋友o既私人地方，然後教佢地三個程序，就係大叫，逃走同話俾信任o既人知，但佢地被壞人掂做係度笑，同埋好開心咁走來走去，撞鬼咩，見到壞人都咁開心!跟住我話佢地知，要諗下遇到壞人時，你o既心情會係點，跟住有d醒目o既小朋友就即刻show過驚嚇o既表情俾我睇，西利，果然明師出高徒。

20-11-08(四)放5:30，執埋野都差不多6點走，同阿何一齊走時，佢又叫我行街，咁就行下啦!跟住6:45先坐巴士出棋社，好彩遲上棋社k，因為上到去都只係得amy、joey、dranell同chris，完全冇人氣，氣氛沉悶!

    跟住同Joey平手捉棋，Joey、Dranell同阿恆都話我佈局行得唔錯，緊係啦!我終於睇曬阿恆借俾我個本講點行佈局的書，而家行棋叫做有番小小方向啦!重埋開始對圍棋有番d興趣。

    捉到臨尾收官時，我都有好多大意位，好彩Joey指導番我點行。

    阿恆問開我而家幼稚園A for 什麼，我話apple lor，佢話佢知道d學校係A  for astronaut ，C for  chrysanthemum，C for 菊花咁難呀!我由細到大都未學過菊花呢個字wor!跟住講講下先知大家都係同一間立本幼稚園，咁都撞到師兄，世界真係細wor!琴晚先有人同我講話係人地本相簿到叫到自己個親戚，估唔到今日就到我撞到同一間幼稚園O既人，西利。

    又係食三洋，食完飯就歸家lu!