10-11-08(一)成日都d無來電顯視o既電話打o黎，我都估係d銀行推銷電話，所以miss左都唔覺得可惜，今日Lunch咁啱接到一個無來電顯視o既電話，我見電話係到震咪去下lor，原來係李佩瑤媽咪，佢地已經返番來香港，但搬了去尖沙咀住，佢同我講唔好意思，因佢冇返來讀，因為佢地搬遠了，同埋我地學校以廣東話為主，及學繁體字，佢地將來返番新加坡都要用番英文同學簡體字，佢地又要從頭適應過，所以佢地選擇讀英文幼稚園。媽咪真係傻架!駛乜同我講唔好意思啫，你返到來香港都咁有心打番電話俾我，我已經好高興了。我都有叫佢地今個星期六返來學校，因為學校open day，不過佢話唔得閒，遲d再搵一個星期六回來。

    放5:00，都留校做到7:30，一回家就已經勁累了，好早瞓。

11-11-08(二)今日係有4個1出現的日子，到2011年11月11日那天，將會出現6個1。

    因為今晚要返學，所以冇留係學校做野了。

    英文老師話我地成班係上星期writing test都做得好好，全班合格，yeah!

12-11-08(三)今日同小朋友去九龍公園郊遊，我地先去雕塑廊到寫生，d小朋友繪畫都畫得幾靚!跟住玩擲豆袋比賽，然後到水池那邊野餐，最後便到兒童遊樂場玩耍。九龍公園都係一個幾熱門o既參觀地點，同一時間都撞到多間小學同幼稚園學校o既學生。

    每次同完d仔去戶外活動後都會累，不過今日更甚o既係放工繼續留校做野做到9:20，跟住撘9:30尾班車回家。

13-11-08(四)本身諗住今晚唔駛點留係學校做野，一心諗住爭小小功夫明天做都可以，不過又好似彩今日留低左做野，因為我將小朋友幅圖貼上牆都用左幾多時間，我sign時間上三層膠紙來貼圖畫(電線膠布 + 雙面膠紙 + 電線膠布)，都係想將來可以拆番幅圖畫下來好好收捉藏。跟住同同事一齊叫外賣食晚餐，但食完餐飯7點幾，又唔好意思即刻走，所以都做多陣野先走，8點幾走時先去藥房買面油紙，跟住會合埋阿何一齊坐免費車返愛民。

    返到愛民時，我地就去行惠康、7-11同另一間24小時便利店，我地都只係window shopping，睇下零食貴左定平左，最後竟然一樣都冇買。

14-11-08(五)明天open day，陽陽的爸爸媽媽真的很好人，媽媽11:00已來幫手佈置攤位，爸爸下午都來埋幫我地佈置。由於我要返學Present，所以好唔好意思咁6:00就走了。

     放學去老地方到等Dranell同焯賢，好彩9:20時call一call Dranell，佢又瞓著左，如果唔係又只得我一個白等。

     Dranell換了新look，髮型唔同在，又著左一件紫色背芯，個look唔同曬，一個死o靚仔look，我地坐係門口位置到等焯賢，焯賢入來都見唔到我地，跟住我同Dranell專登令則塊面唔望佢，佢繞左一個圈都見唔到我地，跟住又出番門口，我地笑到死左。跟住Dranell再call佢，話佢知我地已經係麥當勞，佢再入來繞一圈時都依然見唔到，我地真係笑死左!直到我地望住佢時，佢先見到我地，佢話佢真係見唔到我地，大概係盲點吧!加上又未見過Dranell咁o既衣著，點都唔諗呢個係Dranell lor!haha!

    跟住去樂華食晚餐。11點幾食完飯就走了，因為明天要早起，同埋open day要博殺，早d回家休息吧!