2-11-08(日)返崇拜，跟住同瑩瑩去藏食壽司，2:30做facial，跟住去左剪頭髮，係髮廊又撞到守怡，不過佢剪緊頭髮，冇上去同佢打招呼，個幾月前剪頭髮時撞到佢，今次又係，真係有緣，咁又一天了。

3-11-08(一)細梁送左對耳環俾我，因為
佢知我鐘意耳環，二來我會帶公仔耳環。

放工返教會搵Vicky，搵佢幫我彈open day小朋友要表演o既歌，我班仔要有音樂跟住唱先會ok!

4-11-08(二)上英文堂，Miss話我地全都係上星期o既test都做得好好，全部合格。

5-11-08(三)返8放5，放工留校做到6點幾，跟住同阿媽去了美心打邊爐，之後我去了萬靈買朱古力，幾個月冇買過了，突然想食，突然想買，係因為要平衡下d心情!一來要為open day做準備，二來下星期IED導師要求要錄影上堂，呢幾又咁鬼死咁多會要開，Lunch完全冇時間做野。加上呢個星期開始返早8:00，我要7:00起身，查實我都好似返左個幾兩個月尾班，一直都慣左8:00先起身，以往即使點幾兩點瞓，我都夠精神，但呢幾日即使我早12點咁早瞓，都依然瞓唔夠，個生理時鐘未調校到吧!唯有食番d致愛o既朱古力來平開心下啦!

6-11-08(四)放5:00，係學校hea左陣先上棋社，又好彩遲左上，因為上到去只得阿卓、Chris同Joey，佢地三個係電腦到復緊棋。

    今日講佈局，阿雞來教棋，做完d佈局mc題，覺得自己開始對佈局有d概念，晚餐都係三洋餐廳，跟住去麥當勞繼續做佈局題，查實我、Dranell同小鈺都累，唔係好想去，不過大家又好似唔捨得走咁，結果就同埋Joey、蘇蘇、Amy一齊去。去完又幾好wor，因為我地做埋佈局60題，未做o既mc，做曬d題目，開始對佈局行法，有d理解。