23-10-08(四)自從有人話我知戴介指帶食指係好型，我呢期又突然鐘意左帶介指，今日d仔留意到我有戴介指，有小朋友問我係男朋友送?點解d小朋友會問d咁o既野?我話唔係，男朋友要送鑽石介指架!

放工攞番d back pay俾阿蒙，同阿佢去食王家沙，7:30食完野，坐的士去港灣豪庭o既千色店，因阿蒙係caterlog見到有野想買，點知去到已經買曬了，呢個商場太細，唔駛一個鐘行完，絶對唔值得再來。8點幾leave，我坐番3號小巴出棋社。

    佢地今日冇上堂，只是純捉棋，阿恆同我捉指導棋，學左點樣收官，佢讓我50目，結果我都輸10目。

    晚飯都係食三洋，我同Frank都係陪坐，大家都係諗住之後玩bang，但大家都冇帶bang，所以只好寄望焯賢會有帶，可惜佢來到來時都話冇帶，因佢今日mid-term test，好多野攞。

    結果我地又去女人街買多副「bang」，「bang」o既demand好明顯係俾我地呢班人抄高曬啦!

    去麥當勞玩「bang」前，我去左trendyland買左本09年記事簿了(因為頭先阿蒙話我知trendyland有我想買個隻記事簿)

    玩「bang」玩到一點走，我開始覺得「bang」唔好玩了，因為玩來玩去都係呢班人，同埋會有人性直覺o既偏差，還是Citadel好玩d!

24-10-08(五)8點起身，瞓果4個幾鐘，邊夠精神!重要今晚放工會入海洋公園玩!

    放6:00，出尖沙咀轉地鐵去金鐘，同Pheoebe、Joe一齊食canteen，再入到海洋公園時已經7:30了，好彩o既係我地攞fass past，d鬼屋只係排5-10分鐘就可以入了，8間鬼屋都玩左7間。

    首先玩呢個「厲鬼村」鬼屋，外牆怖置好屋村feel，有點陰森，由於第一間就係入呢間鬼屋，我行下Pheoebe同阿Joe後面，我一路行一路用手指篤佢地背脊，結果玩完出來後，佢地話最恐怖，不是d鬼，而係我係到搞鬼，真係冤枉，我行後面，其實都驚架!咁我只好用手指係後面拍你地叫你地行快d啫!

   玩第二間鬼屋「大豪嚇娛樂城」，入面有d真o既遊戲機，我見到個波波龍遊戲機，我都多手走去玩下。

   係山頂上的「迷幻空間」，入完去就眼都花，搞到暈陀陀。

   跟住玩個d「變種瘟室」「鬼娃工廠」、「兵馬俑異域」、「戲棚驚夢」都大同小異，d鬼最鐘意嚇d驚驚青青o既女仔，所以我見到鬼時就去同佢地say hi，跟住d鬼衝過來嚇我時，我又好抵死咁講『嘩!好驚呀!』我搞到d途人都係到笑!最搞笑係有隻鬼對住我講粗口，話熱到PK。我記得行行下有隻鬼吊條毛下來整我塊面，我一手扯住佢，跟住望番上去時，佢話隻手斷啦!HAHAHA!

    成晚最浪費時間就係等坐鑬車，本來9:37已行去排隊等鑬車，等到10:05，工作人員話有大風，鑬車停開，我地用左大半個鐘行落山去坐巴士，去番正門入口時，已經11點了，玩到11:45leave。

    坐小巴返旺角都只係20蚊。

    第一次夜晚去海洋公園，唔怕曬，都幾舒服!

PS  D鬼真係好識擺POST影相