19-10-08(日)返崇拜，去食Lunch時，見到富貴茶餐廳close左，唔係執左怪，上星期日都重食緊wor!跟住同團友去食彌敦道o既扒王之王，食完返屋企，睇下下半集o既龍鳳鬥，呢套戲都幾好睇的，當年同Phoebe入戲院睇，miss左個開頭，今日亦都係。

20-10-08(一)放6:00，跟住上芊芊屋企家訪，佢個女一入學就跟我，將教足佢4年，所以同佢媽媽都幾熟絡，係屋企傾完計後，佢請我去美心食晚飯tim!真係客氣!多謝曬!

    美心出左個北海道南瓜牛乳火鍋，呢個湯底都幾美味wor!媽媽說芊芊見我係到，都坐得定d，同埋叫做食多左野，但相比佢係學校o既lunch份量，都只係三份二炸!坐9:00車回家。

21-10-08(二)今個星期iec本來係readingweek，唔駛返的，但係有一堂星期二miss請左病假，所以攞左今日呢堂空堂來番返學，慘!

    上到7:30走火警，都係第一次係ied走火警，佢個火警鐘響得又細聲，只係見佢天花板果眼燈係到閃先知係要走，過左一陣就有廣播叫我地走了。我地走出浪澄灣對海個公園，景色都可以，不過d死水就嗅左d，係集合地點等到7:50就完成。

22-10-08(三)放6:00，家訪阿宜屋企，阿宜係屋企同佢家姐兩個變左隻monkey，兩姊妹用大字方法排上天花板，不斷係走廊爬來爬去，不怪得佢媽咪一年前已同我講，兩姊妹人前人後兩個人，而家信了。媽咪話佢地今日已叫做不太激了，實在太恐怖，校內就係優異生，校外就好似住係馬騮山。

     7:30laeve，坐8:00車回家。