11-10-08(六)放工後，同阿盧、阿何、細梁、阿黃一齊坐的士上火車站，然後轉火車入大埔，好彩我都瘦左，我地5個人可以坐曬同一行火車o既椅。

    又去ied聽課程講座，2點聽到5點幾。放break時去了食tea，聽完就出番旺角做facial，然後回家，咁又冇左一日。

12-10-08(日)返午堂崇拜，跟住同阿鵬、Joe、Pheobe、浩堅、偉仔、阿坤、師妹一齊係富貴食Lunch，好耐冇同過Pheobe、浩堅、偉仔、阿坤一齊食飯，十年前提團初成團時，我地5個連同雯雯就係提團o既主要團員，成日一齊去玩一齊食飯，但出來做野後，各有各忙，連阿坤而家都飛埋去英國做野了，難得今日又可以聚首一堂，都算難得了。

    2點幾，Dranell o黎油麻地同我一齊去女人街，諗住買副加強版Bang，但最後講價不成，我早幾日問價都係$60，今日就點都$80，呢d海鮮價太誇張了。

    跟住坐28M，3點幾到小保家。Amy、阿恆、Kelvin已經到左了，我地玩小保新買o既Citadel，焯賢6點幾來，我地成班叫樓下窩貼大王o既外賣，之後再繼續玩Citadel，11:30leave開開心心又玩左一日。