28-9-08(日)10點幾起身，打日記，點幾出門口，同阿媽一齊坐8號巴士去火車站，再轉118落柴灣，搵表妹同阿姨，未入屋係門口等表妹開閘時，佢地隻狗啤啤已經係到諗，重擺曬尾!入到屋就更大穫，佢隻狗太鐘意我了，我坐係sofa到，佢開心到狂撲上o黎，重推跌左我幾次，冇計，佢真係好鬼大隻。(你可以係張相到數數佢霸了幾多格地板)
同隻狗玩唔係問題，不過佢d腳甲太尖了，而我雙手又有幾多濕疹傷口，好鬼難埋口(因為成日濕水)如果再被抓傷，就會嚴重毁容了。
隻狗好有人性，佢勁憎哥哥(表哥)，因為哥哥成日打佢，佢一見到陌生人就會好開心，好鐘意同陌生人玩，加上佢o既叫聲成隻雀仔咁，超好笑!
等阿姨係吉之島返來時，我地就食壽司同魚生，跟住打左8圈，打到差不多8點，就煮晚飯，食牛扒同皇帝菜，9點走了，坐118去紅磡火車站，再轉8號小巴回家。9:45就返到屋企了，真係快!
心血來潮，終於肯上網捉下棋，同電腦捉，本身都佔優，但後來掛住同個舊學生Charmaine msn，跟住又開埋視像，佢係到講英文故事俾我聽，佢真係好叻女。(如果將來生BB，我最想要個女了)亦因為分心捉棋，所以輸了，不過都輸得值得，同舊學生傾下計，都好開心，佢屋企人更約埋我明天去佢屋企食飯。
夜晚同Frank、 Dranell、Kelvin、小保一齊用msn傾計，一齊研究d棋點行，Dranell話變大網上圍棋教室、又真係好搞笑，我地大家用F2錄音，然後send d對話俾大家一齊聽。

PS其實養隻狗仔都媿好呀!又有人性，又可愛，不過要愛隻狗之餘，都要愛埋佢D屎屎尿尿，要幫佢清理。如果將來我冇小朋友的話，都可以考慮養番隻狗。