24-9-08(三)今晚已經十二點瞓，但七點起身，仍覺得眼瞓。

天文台繼續發出三號颳風訊號，好嘢!應該冇乜仔返。因擔心愛晨徑會有大書倒下，加上落雨，都係出商場坐巴士返工安全d，坐7B去到紅磡碼車再行返學校，D風大到爭D吹翻我把遮。

入左聖安娜，諗住買麵包之時，收到阿Lo電話，佢問我係邊，我話係大家樂附近，佢叫我幫佢買早餐，咁我都一齊食大家樂早餐啦!我要左個滑蛋牛扒、西多士、蕃茄通粉加多杯凍朱古力，竟然要$26.5，嘩!超貴呀!貴過我係茶餐廳食一個常餐tim!

攞番把白色遮返到學校，阿Lo話點解我有呢把遮，我已經即刻講你係咪攞走左學校個把，佢話係，原來上次佢地入ied上堂時攞走左，不怪得那天同一日搵遮時就搵唔到。

跟住返學校，開開心心嘆早餐，然後打教案，lunch食肉醬意粉，雞翼、魚旦同粟米湯，yammy yammy!食飽重眼瞓!3:00出去銀行行下，跟住幫細梁、阿何去大家樂買咖啡、奶茶，然後去吉之島幫阿Lo買haagen-dazs雪糕，吉之島做緊promote，買6杯裝雪糕$98.9，就送多2杯，後來我買了2盒66杯裝雪糕，諗其中有2盒士多啤利味，點知我俾錢後，sales話入倉攞俾我，點知個倉都冇貨，於是佢話我另外買多杯士多啤利味雪糕，會再送多杯朱古力。我打電話問阿盧駛唔駛另外買多杯，佢話唔駛。

但係俾多$22.9就有2杯haagen-dazs雪糕，係好抵wor!於是我要左佢，我買多杯雪糕，並讓杯士多啤利味雪糕俾d同事。

真係非常多謝盧主任，連請我地兩日食下午茶。

今日工作成績不錯，打曬下個主題教案。

放5:00，坐5:10車回家。

25-9-08(四)返8放5，企門口收仔時，見到隔離班d仔o既親子同工(神七天的創造)都幾靚，又環保又有夠創意。點解我班仔今次冇人交嘢架!

8:30入番課室睇仔，跟住孫浩鋒返來，佢交左佢o既作品俾我，都整唔錯呀!夠環保，不過神七天的創造中未有彩虹架!

放工後同阿彭去左黃埔堂到搵牧師訪問(專訪for安基15週年特刋)，訪問到6點走得，有諗過好唔好返去學棋，不過真係冇心機學，放且都要回家打呢個專訪，所以返屋企了。

去麥當勞買了新出o既朱古力批，好奇怪lor，出面似牛角酥，入面係溶o既朱古力，呢兩樣野好似唔係好夾得埋，同心太軟o既蛋糕相比真係差太遠。但過豬柳包就ok!

都係自已衰，一路打專訪，一路上網，如果一開始專心d做，就唔駛做到2點啦!

2:00瞓。跟住重要失眠，真係屋漏偏逢連夜雨。