20-9-08(六)點解會有夢年回億後傳，原因係我想post多一張相俾大家睇，由於我d親朋戚友都知我鐘意雞仔，所以佢地成日見到雞仔公仔都會買俾我，結果我間雞仔屋就堆滿了雞仔，但有d人都會買左鴨仔的。Anyway，我間雞仔屋就變得水洩不通了。在此向我d親朋戚友講左多謝先，謝謝你們的關心和厚愛。

返8：15，10:30開高班家長會，已經係第三次Hold家長會了，會想起第一次時，緊張，第二次平常心，到今日完全唔當一回事。講完高班課程，就睇viedo講小一入學程序，我都係第一次睇呢隻vcd，睇完之後，我先清楚小一派位過程，以往唔教高班，係唔會知呢!

12點一二已經完曬分享，進入交流時間，又要同d家長social，結果傾到12點11先完，執完野去廚房(痴)左玉姐半碗飯來食，因為一陣2點要去安強聽外評講分享會，所以點都要食d野。

跟住同校長、阿何、阿黃一齊坐的士去鑽石山安強聽分享會，呢個半鐘真係悶到爆，同埋我間學校都已經過左外評，再聽d心得外評真係多如，本身大會安排我地分享，但最後時間關係，只係答了一二條問題，咁就過左個半鐘同攞番個半鐘補時。

之後同阿何一齊坐70小巴出太子，4:00到太子，我行陣花園街，然後4:30去做facial，做到6:10，6:30行到去雅蘭門口，跟住等埋常樂d同事到埋(阿蒙、愛姐、阿卿、四姐、霞姐、一個我走後先出現o既廚師、萍姐除左朱校長遲d到)，6:55一齊去常滿酒樓任食打邊爐，呢到打邊爐最得意係可以免費叫埋點心，咁就食得冇咁悶，最後$125埋單，抵wor!(表妹介紹的)

食到10:30散場，同阿前去了很女人街，我去睇Bang的價錢，第一間個價$58，跟住我走佢就話$45，而另一間開價$50，我都照走，完全冇講價的心情，因為我一心諗住遲d去廟街到睇下會否再平d。
回家後，勞碌了一日，太疲累，點幾瞓。