16-9-08(二)8:00起身，早左出門口，去左時新到買左個雙層芝士漢堡包，呢間快餐店長期佔據OPENRICE o既第一位，當中的名菜就係漢堡包。

同班仔一齊食早餐，每咬一啖都覺得好滿足，佢地秘製o既醬汁，實在太好味了!

學校外牆維修，嘈到死，完全上唔到堂，唯有用個咪o黎講野。

班仔寫仔都叫做上左手，自己可以學下睇筆順，所以我教寫字都冇之前咁勞氣了!

Lunch想找IED學生証時，發覺自己冇帶銀包返工(因為之前果晚去小保家時，換了另一個銀包，返到屋企又好順手咁放左落書枱櫃桶，唔記得放番入個袋到。)跟住打電話返屋企同阿媽講，好彩佢而家唔駛返工，於是佢5點幾時攞左o黎我學校俾我。

收6:00，好彩細梁俾我做5分鐘先，咁我就可以撘早一班小巴出尖沙咀，然後坐早一架K16返到IED，6:41入課室。真係好彩，萬一遲過6:45出現會count遲到，兩次遲到當一次abs。真係超麻煩!

今朝都專登擺個file入袋拎返學，點知都攞錯file，搞到上堂冇ntoes用。
返學o既時間特別難過，如果想覺得時間多d的話，我建議可以返多d學，但這樣太受苦了。

放學已經急急腳第一個離開課室，本身9:25已經可以行到去到巴士站，但因為一個紅綠燈o既關係，我Miss左班巴士，架車開左幾步，亦都唔肯再停俾我上車，今日雖然有黑仔事發生，不過有些事情都有貴人相助，所以平手。

返到屋企都有諗過早d瞓，不過又去左捉棋，跟住睇十月初五的月光同打日記，成2:30先瞓，真係誇張。好彩明天唔駛返學，可以早d回家休息下。

17-9-08(三)返9:00，小朋友做完功課後，我俾佢地自由入角，昕諾又用我個電子琴去彈卡門，呢個仔真係好鬼叻，佢上星期三同我講識彈「卡門」後，上音樂課時，我都俾佢用個鋼琴o黎彈，之後漢聶又話要彈，佢彈左首交響樂出來。今日上堂時，我又俾佢彈，後來甚至佢彈琴，我帶小朋友玩遊戲，好似以前讀書咁，學生彈琴，老師帶唱歌!

我覺得我帶左個電子琴返學校俾佢地玩係明智之舉，並從中發現到正昕同穎宜都鐘意彈琴。後來我問番正昕媽咪有關正昕彈琴的事，佢話正昕由一個月前分唔到琴譜上有幾多條(正昕只答媽咪有好多條線)到後來佢可以認得音符o既位置。希望今年能夠發掘到小朋友更多o既天份啦!

下午有2位IED老師來校，佢同我地學校老師開會，一齊傾下學校o既課程有咩問題!

臨放工前又收到一個可以令我加ot o既機會，就係今個星期六要去安強同其他幾間幼兒學校老師分享外評o既事宜，天啊!我9月27日又要入大埔ied接受比和朋友o既全日training，10月4日下午2位IED老師又來校商討課程問題，10月11日又要入大埔ied聽課程講座。o黎緊4個星期六都要返工，雖然將會蓄到十幾個鐘補時，但我想休息多d，因為呢期9月剛開學，學校比平時多d野做，自己又要返夜校，所以做唔曬d野都唔可以留校做，忙到死!(其實自己死都唔肯攞d野回家做至真!)

放6:00，去左KFC買雞翼，排隊買野時，藍天o既嬤嬤見到我，又俾左d KFC o既coupon俾我，我可以悝10蚊去買兩個餐，真係好彩。所以生有時、死有時、….黑仔有時、好運有時….所以一切都唔好太在意。