5-9-08(五)d仔放學4:30-5:15呢9個字，我就不斷行來去，又要安排唔學繪畫d仔去電腦宝，又要俾新書俾家長簽名，行來行去，累到死。

所以5:45畫班d仔，佢地陸續放學時，又要派新書要簽收，就特別辛苦，好彩我同阿彭一齊放仔，如果只得一個老師收尾，就死梗。

到6:00d仔走曬時，又要幫畫班老師搵佢張點名紙，但最後都搵唔到，結果6:20先走得，本來約左阿霖6:30，所以都遲左，好彩我坐6x出尖沙咀只需要8分鐘(如果即刻上到車的話)，阿霖先去和民攞位，點知我去門口call佢時，佢又飛去留言，所以我自己行入去搵佢，第一次入完去都見唔到，到第二次入去時，好彩佢見我行過時識叫我，如果唔係我都見唔到佢。

食西柚餐最麻煩o既事就係出街食飯，因只可吃肉同菜，又唔想人地專登就我，所以寧願避開呢d日子同人出街食飯，不過今日係返學前的最後得閒星期五了，所以出去玩埋啦!遲d要返學冇得星期五玩lu!

8點食完飯去行街，行海港城，睇下垂直蒸氣燙斗，最平都要$888，還是返永安買抵d。

行到9點幾收到個frined短訊話o黎愛民搵我，而同阿霖都冇乜野行了，所以散了，點知我個friend(線)我，冇o黎到，好彩我都差不多返屋企，同埋明天上大陸，加上今日又咁累，要休息多d，如果唔係鬧死佢。