29-8-08(五)瞓到成點半先起身，跟住阿霖話佢可以6點出到來，本來約左5:30先做facial，既然佢咁早放，於是我又將facial改早到3:30。

王子兩點幾打來問我會否出旺角，可惜我3:30要出尖沙咀做facial了，如果唔都可以出來同你捉下棋。

做完facial，5:45走，行去海港城時，係九龍公園對出收到阿霖電話，先知佢已經到左海港城了，係cova會合佢後，就去搵餐廳食晚飯，最後去食Panash。

飯後去大faccess買護膚品，通常我都係每半年買一次，買左好多野，出完血又好開心。

9:30leave，我行返教會搵Mandy、偉仔飲野，我搵Mandy時，佢又話10:00走得，我都成10:20先行到返去，本來等到佢10:40佢練完歌時，諗住可以走時，佢先發覺自己漏左個袋係副堂，現場冇人有鎖匙，一係要牧師搵o黎，佢同偉仔、文東經圖書館再開中間對門入副堂，佢攞完個袋再出來時，個警鐘響左，嚇到佢死，整定你唔適合做賊。合來到林牧師返來，俾左杯凍水佢定驚，過左幾個字後，個警鐘冇再響了，牧師又俾條鎖匙偉仔入副堂熄左個警鐘，之後牧師話交俾佢去處理，之後我地就同埋Alpha course d詩班一齊走了。原來已經11點幾了。

我地信和斜對面間麥當勞飲野，我致愛O既意大利咖啡奶昔冇左，唯有改行食呢個美祿麥旋風，味道都OK，雪糕內重有美祿朱古力，只係細杯左D啫!飲到成12點9先走，行去坐小巴，因為今日d戰勝品實在太重了，加上已經由尖沙咀行到去旺角，而我又著平底鞋，所以腳板已經很痛了。

2:30先瞓，但都重要失眠，想死咩!明天要7:00起身。