21-8-08(四)最後一日返工，心情勁hea，9月教案大綱都交曬，Lunch出去HSBC銀行cut 下card，去渣打申請下支票簿，專登出去行下先返學校，因為holiday mood太重，好難做到野。

阿黃何卓晞9月唔讀，原來佢最後一日返學，又專登搵佢影張相先。佢真係一個好叻仔o既小朋友。不過通常越叻o既人越識曳。

呢個個期last一日、天揚家長攞西餅俾我地食，昕朗家長就請水果，因為佢將轉民生，而阿哥就繼續讀埋我個班高班，明年升小學。巨鋒提子好好味!只是皮太厚，我全部吐曬!

放6:00，同阿黃一齊坐車出油麻地，坐6點3那班車，6點9就落車。

Ying Fung有上棋社，佢話上到來冇人啋佢，好無隱，所以我同佢坐係門口到打牙教，跟住Dranell買了小丸子同司華力腸上來食。

今日上堂Dranell終於都自己講番棋了，呢輸成日都係由Joey講，所以到講自已講番時，佢都講得唔夠順。

落堂後，同Frank捉了兩盤棋，都是我win!本來第二盤我係落後的，但收官子，救番了中間一堆棋，win28目，贏得好險。

離開時，焯賢撞掉了我成袋水果，重整爛左d巨鋒提子>.<，提子你死得好慘呀!跟住佢又好好話請番我飲麥當勞o既巨鋒提子汁，好呀!多謝曬!

行去廟街食大排檔，跟住本來打算去永安隔o黎間麥當勞飲野，但呢間野關12:00，當時已是11:45了。後來我地改去佐敦翠華那間麥當勞。

最後焯賢請曬我地咁多個飲野，呢個阿sir真係唔話得!多謝曬!

食到2:00走，行番旺角坐小巴，如果唔係見夜，真想直接由佐敦行番屋企呢!今日可以玩到咁夜都開心架!明天第一日放假，唔駛返工，yeah!

2:40返到屋企，成4:30瞓。

今晚已經3號風球了，8號請你不要來，請不要在我放大假的第一日來，因為我係咪都要扣自己一日大假來放假，我會覺得好蝕架!

到4:30到風平浪靜，天文台話中午至晚上最接近香港，冇咁早8號掛!

乜野叫先撩者賤，打死無怨。明明係你撩起火頭先，我還手時，就話唔好以為我唔打女人，咁你玩曬啦

22-8-08(五)早上阿媽手提電話響，嘈醒了我，從佢地o既對話內容，我先知一早己掛了8號風球。跟住繼續瞓。

11:30起身，瞓左7個鐘，其實都唔係好夠，不過唔瞓咁多了，下午先瞓晏啦!1:20發出9號信號，本港對上一次發出9號信號，是在2003年9月2日，當時颱風杜鵑襲港。

阿媽煮了炸雞翼俾我食，因為同小保盤棋未捉完，捉埋先食，所以到我食野時，阿爸阿媽都同我一齊食，好耐冇試過咁多人同一時間食飯了。
下午天文台發有機會出10號信號，冇計啦!個颱風吹到正香港。不過係風眼時，無風無雨，好平靜。

放假先o黎打風，感覺不好啦!我要催眠自己，同自己講，打風時可以多d人上網陪我msn同捉棋，都係一件好事，不過當我知道fox同我一樣都係今日自己例假時先來打風，有人陪下，我心情都好過d!但佢比我更慘，因為月頭8號風球時，佢亦都係例假!

5:30-7:30瞓晏覺，今日成日捉左11盤棋，輸多贏少。就o黎打落9k tim!