17-8-08(日)10:45返到教會，幫手做招待，原來今日係實習生關慧禎最後一天返安素了，於是我地影左張相留念，到佢離開時，我地仍然爭佢一份上完主日學感想未交，而佢都話自己忘記左呢件事!咁我都原諒你忘記左呢件事，大家打和，無數!

竟然係咁，崇拜後，我地成班行廣華醫院出旺角，但冇人識密碼點解，寶文話佢知個密碼係四隻角，於是大家撞左一輸後就撞到了，以記大家要記住，想出門口就要畫條魚。

午餐食椰林櫊，跟住2:00返團契，今日週會聖經問題比賽由雯雯負責，第一part，選擇題，第二part玩亮相同問答題，都幾好玩，到最後一part要係幾版聖經紙到剪番d聖經問題答案出來，我地個組爭4分就full mark了，就係欠神創造天地，第六天做什麼，我地答少了牲畜同昆蟲，但我欣賞o既係我搵唔到獅子坑個坑字時，我用拼字的方法拼了出來。

而我地個組(我、偉仔、家姐、心姐、細Vicky)以15分之差，險勝了呢個聖經問題比賽，但簡禮物時，我地個組簡最先，並從大、中、細獎中簡了細獎，結果得珍寶珠，以為與大獎、中獎o既檸檬茶同雪糕無緣，奇妙o既事情發生了，就係導師本來有一盒雪條，佢拿了個o黎請我地組食，好野!有綠茶雪條食。

團契後就為Mandy、偉仔o既婚禮練歌。練到6:00完，回家。屋企冇人，又可以焚機。

晚上睇女排(中國win了)、女子三米跳水、男子單人羽毛球同埋女子自由體操，睇到林丹(超級丹)取中國第33面金幣，破了上屆32面金幣，然後郭晶晶又落埋第34面女子三米跳水，並由霍震霆頒獎呢住未來媳婦。難得一面可以欣賞咁多我喜愛o既奧運比賽，真難得。

跟住上kgs睇同學仔中國，Kelvin過了Dranell 9子，之後我又挑戰9子，佢貼90目俾我，我最後以12.5目win左，我也過到9子了，開心!