10-8-08(日)返崇拜，今日鳴鐘同收奉獻，崇拜後係門口等團友一齊食飯時，林崇智牧師問我咩事瘦左咁多，我話我離開左teenzone後就走了，佢話咁抑鬱，我講笑啫!牧師好關心問我有冇其它原因!其實係我專登減的，放心啦!我冇生病呀!

同Mandy、Joe、Vicky Chan等一班兄弟姊妹一齊去金雞廣場25樓間café食飯，同埋傾Mandy、偉仔結婚當天玩新朗o既節目。

4:00前leave，行去地鐵站會合阿蒙，跟住去左朗豪坊o既mac look，因為條星星手鍊粒星星掉了出來。

之後去教協買禮物俾陽陽同美悅，因為佢地下星期六係麥當勞開生日會，買左2份7in1o既棋俾佢地!

然後我地坐巴士去恆豐睇衫，買左一件衫好得意o既衫，件衫有d火焰，好鬼得意。不過件衫d線有d問題，sales叫我星期二先去再攞過，跟住我地了尖沙咀食唯一麵家，佢D酸辣湯麵同蔥油餅都很好味，酸辣湯麵23蚊有一大碗，蔥油餅食落很香，嫩而不淋不硬，很不錯。凍豆漿很香，但$8一杯太貴了!午餐時飲左杯凍乳酪，很頂胃，所以只飲了杯豆漿同食了兩塊蔥油餅，及一啖酸辣湯麵!

先後去行SOGO，係KILARA買左件黑底彩虹閃o既hello kitty衫，我又鐘意彩虹顏色又鐘意閃野，呢件衫啱曬我!但都後冇得攞，因為我想要o既size黃埔先有，搵日放工先去攞衫吧!今日買兩件衫都係冇得攞，真慘!

都係呢d轉季時候時衫先最抵!

PS今日旺角同尖沙咀都好少人，可能因為嘉禾大廈火燭o既關係吧!遺憾O既係有兩名消防員殉職，消防員真係好英勇!