5-8-08(二)返8:30，要幫Kelvin試整手掌畫o既效果(用奧運五環o既顏色來印)，就搵左芊芊幫印，我地試印了一張手掌印畫、同手指印畫，以小朋友o既圖工角度o黎睇，都係手指印畫靚d!為左幫你試畫，我犧牲左半個鐘頭o既做野時間架!

天文台話傍晚時會掛三號風球，期待明天八號風球，唔駛返工呢!

放工5:30，Kelvin攞左件白T-shirt俾我幫佢印手掌，我每印完一個手掌，都要入廁所洗手，來來回回都幾sign時間，不過印完出來o既效果都幾靚!6:00左右完成就走了。(T-shirt將用作公司team用)

Dinner同Kelvin去食和民，數到IED電話，佢話大埔開得一班新班，問我讀唔讀，我問佢係咪冇巿區班，佢話冇，算啦!照讀吧!因為想早D讀了，襯後生，早D讀完都有好處，將來有其他負擔時，都唔駛咁吃力，所以答應了報讀。真係奇妙，係CMAP時先提過讀書呢個問題，當時我都認為自己今年不會讀書，可以休息多年，但結局往往是我不能預算!
飯後去大眾睇禮物，因為陽陽同美悅會在16/8o係麥當勞開生日會，但睇唔岩，之後落歡冒樂園睇去有冇禮物換，但用飛去換禮物，計落條收唔太抵，所以都冇換到，但就去左玩擲彩虹，今日好唔掂，擲18個幣都只係得20張飛。

之後去麥當勞食甜品，我都係要飲下呢個意大利咖啡奶昔是心足。見到滕柏洋同柏謙係門口到玩，佢地認唔到我，但佢媽媽係廁所出來時就應得我，重同小朋友講話老師係到。估唔到佢媽媽認得我，因為當年柏洋N1(05-06年度)，佢係隔離班由大梁教，我同佢媽媽接觸得都唔算多，只係返早時我企門口，或放口時叫咪先有機會同佢媽媽接觸下。後來都見到吳樂瑤同佢媽媽，不過佢地見我唔到。

食完野行上火車站坐車，亦順便去國際都會o既零食鋪買我鐘意o既圓形餅，白色盒那款有特價，$15.8兩盒，我買了4盒，另外再用$9.8買了一盒綠色o既圓形餅。(都係原味同綠色o既圓形餅最好味!)
2點幾先瞓。