4-8-08(一)放假，10點就醒了，玩下古惑仔online，到11點又瞓過，12點幾又醒了，準備2點出尖沙咀同Mandy、Vicky一齊食小肥羊tea，小肥羊o既tea只係$45就可以任食點心，抵呀!

同Mandy一齊食左好多龍蝦餃同腸粉呢!要多謝媽媽介紹呢個飲茶好去處。

飲茶時見到隔離枱有d著西裝o既人同我地一樣咁得閒係到食tea，佢地應該係sales來的，真係好，可以嘆茶!

食到4:00leave，行去新世界，諗住買護膚品，點知新世界百貨已經執了，現在只淨番超巿。Oh!以後冇得9折買Sofina tim!慘慘慘!

然後行去佐敦o既裕華同永安睇直立式蒸氣燙斗。睇到6點幾偉仔都來了，佢同Mandy返屋企食飯，Vicky返教會門訓，我就返屋企，天一直黑蚊蚊，想落雨咁，係落就早d落啦!咁我就唔駛去打網球了。

返到屋企時，天都未落雨，於是又要換衫去打網球了。行路去高山劇場都只係4個字。

今堂阿SIR發球，我地練打波，打完波，我地同阿Sir一齊走，我地去崇潔街那邊食，呢間茶餐廳比起上次土瓜灣那間貴呢!

我好堅定咁乜都唔食，因為下午茶那餐食得飽，晚餐就可以唔食了。