1-8-08(五)lunch覆電話俾Vicky Ma，佢話要帶張細個的相入camp，無情情點會有相係身，但諗諗下，我記得早排攞部手機影過張相，Vicky Ma叫我攞去曬，咪玩啦!sign d 咁o既錢，況且解象度又低，曬出來都未必清。

現在唯有想辦法將張相放入電腦去print，問同事，佢地都冇細card o既card reader，亦冇手機過電腦的線，第二個辦法係睇邊個同事張電話卡係可以入一般card reader，然後可用藍牙send去佢手機，細王將卡可以入card reader，但佢memory滿，佢已經delete左d歌，諗住幫我，但我用藍牙send俾佢知，手機只選擇到save係電話，入唔到落卡，oh…搞左半個鐘都搞唔到，放棄了，唯有玩估相時，我將相send給人，用人地個電話，免得人地看到個電話知係我。

放5:30，又要執好個課室(明天新生適應班，要執好櫃頭)，但後來又要教細梁計收，結果我係趕唔切放工即走去坐5:40的船過中環。

坐6:00船過中環，船6:02開，6:15落船，跟住去6號碼頭搵偉仔同Mandy，跟住一齊坐6:30的船入梅窩，雖然要坐50min，但只係13蚊，比快船平一半，抵架!

7:20分入到去，我地去麥當勞到食野，三個人食二隻雞翼同一包薯條，真係慳家。

團友仔坐7:30快船入來，好彩係同Mandy、偉仔佢地早入來，否則有排等。
跟住搵埋團友去一間餐廳食飯，34蚊一個晚餐，離島o黎講都唔算貴!

飯後行入渡假屋，租了2層，女仔住樓上，男仔住樓下。

唱完開營歌同營訓後，到第一個活動，就係估相中人，同埋分享一下童年，我一早將相用藍牙send左俾偉仔，所以到抽相時，偉仔專登攞番自己個電話，然後同坐隔來o既勤豐換。

勤豐估唔到係我，跟住佢地傳電話去睇張相時，好多人話一睇就估到，因為我額高(但而家d頭髮會庶住個額的)，同埋佢地睇張校服相就估到係女仔。估第三次後，佢終於估到了。

之後我就分享下我o既童年，我講左我養雞仔同埋飛nut雞毛o既故事。

十一點幾就完了，可以早d回去休息，我第一個沖涼，跟住睇埋衝上雲霄就瞓了。好疲倦o既一日，事關琴晚成三點半瞓，七點半起身，瞓得4個鐘，怎夠精神呢!