30-7-08(三)7:25起身，我阿媽先被我個電話鬧鐘嘈醒，佢瞓過龍，跟住叫埋我一齊撘的士，其實我返8:30，又唔駛咁早返，不過撘的士兩個人坐會抵d，我咪一齊返lor。

跟住call阿何，睇下駛唔駛幫佢買早餐(佢返8:00)，因為我重有大把時間hea，我7:45call佢，佢都重係屋企，佢話同我調班，咁都好wor!反正我一早可以返學校，咪當返早d，放早d。

7:50落車，去麥當勞買埋早餐都重有時間，原來麥當勞冇左d$12有飽同飲品o既早餐了，於是我買了個熱香餅餐連朱古力，杯朱古力真係好好味!

Lunch細王又攞左罐熊仔曲奇餅(我知係赤柱Jenny Bakery有售，細王話香港島都好似有另一間鋪)俾我地食(琴日lunch已經食過)，d餅又鬆又好味，又令我再次對曲奇餅上隱了，亦都好想食Mr field曲奇，但而家要10蚊塊，好貴呀!真係要遠離零食，呢期已經食左好多雪糕了，要收歛下。

放5:00，5:06去到車站，5:10班車已上滿了人，重有幾個人都未上到車，於是我去相鋪攞埋相，再5:13行番去巴士站，到巴士站時我己排第4x了，距離5:30班車十幾分鐘都已經有咁多人，暑假真恐怖。

坐5:30車，一落車又見到陽陽爸爸。

Edmund佢地要返教會整營刊，佢叫我之後食飯，傻啦!大熱天時，我返到屋企，好難踢得郁我再出街。