26-7-08(六)學校畢業典禮，只返下午，10點起身，跟住眼下電視，玩下古惑仔online，11:30出門，天氣好熱好曬，想搵阿何坐的士，打俾佢時，佢已經在小巴上了，最後都係行返學校。

午餐叫外賣，終於食到瀨粉了，一直想食呢樣野都冇機會，點幾一齊坐的士去理工大學o既賽馬會綜藝館。

2:00 高班重有5個小朋友都未o黎，我同彭老師係到等小朋友，跟住每到一個小朋友我就行二層樓送佢地落去，跟住又上番平台，雖然呢到o既裝修好靚，好有18世紀公庭式feeling，但係來來回回都好累呢!

跟住入觀眾席睇探排，幫手將d頭飾加髮夾，跟住去控制台播powerpoint。3:00又上番平台接優異生。3:00開show。

另外4間學校d衫都好閃反而我地間學校d衫一玫，又印有五粒星，清清地重靚。

5點1, 2完show，同阿彭送番d優異生俾家長後，就同嬸嬸一齊坐的士返安基，call左兩個的士台都冇的士入o黎綜藝館。跟住唯有攞住d道具行出poly正門到接車，行到一半就有的士車個客入來，我地可以上車了，返到學校，我換衫後就去麥當勞參加芊芊o既生日會，早幾日我同芊芊講話我未必o黎，因為我6:30要同d同事去食慶功宴(外評完)，到佢生日會，後來佢媽媽同我講；「話芊芊知我唔來，話唔開心。」其實我o既心係想來的，一來之前小朋友o既生日會我都有去，二來唔想小朋友失望，三來同少見家長social，可以打好關係，四來我想要Cinnamoroll o既小袋子。

5:55去到麥當勞，同d家長傾到6:30就走了，坐6小巴去中港城o既皇家太平洋酒店二樓o既柏景餐廳。

食左5杯不同味道o既Haagen dazs 雪糕，係滿捉呢!當中包括coffee、chocolate、strawberry、cookies and cream、vanilla。

coffe唔錯，係我接受到帶甜o既咖啡味、chocolate最冇朱力味，所以唔好食， strawberry內有果肉，唔錯、cookies and cream係致愛。

食到9:00走了，由於太飽o既關係，我同阿何、細梁、阿葉一齊行上火車站坐車，我地慢慢行，行到10:30先上到去火車站o既小巴站。