13-7-08(日)11點起左身，想繼續瞓，但瞓唔著，索性起身打下日記，本來阿媽話同我下午飲茶架，點知阿玲又打電話o黎叫佢去食，阿媽問我第二日先飲過得唔得，唉…算啦!你想去玩，冇理由阻你的。跟住自己煮雲吞食。

電腦話預設閘道關了，下午call阿lay，想睇下佢識唔識整，我唔想等到星期三先有I cable d人o黎整，上唔到網，好似與世隔絶左，不過就可以專心咁做其它野，好似打日記咁。爭成半個月未打，再唔打會唔記得了。但佢阿lay下午又要去唱k，夜晚又要食飯，佢話再度下d時間。Thx!

下午4點又瞓過，5:00醒過一醒，跟住6:30起身。發夢見到屋企攞埋隔離屋個單位，隔離屋個單位望到海架(事實不是的)，好鐘意隔離屋，重打算搬過去住tim。

晚飯阿媽話想整多士，點知我開部多士爐出來時，發覺佢壞了，不能發熱，取後就只手麵包夾雞蛋o黎食算了。

到得閒坐係到睇鏗鏘集，做係到睇埋d廣告，以往呢d廣告時間我可能係到msn，睇一人捉棋，我發覺今年真係少睇左好多電視了，同電視脫節了tim。

打日記打到悶時，又玩下傷心小棧，都好耐好耐冇玩過呢個game了。呢個game都係一個唔錯o既game。

終於第一次坐定定睇鐵甲無敵獎門人，以往成日對住電腦，都冇認真睇過一集，睇一集片都真係幾好笑，幾輕鬆。

得閒到落番個結它o黎玩，練左彈「戀人」o既第一句，點二句第一個音就係F，又係我最唔想練o既bar chord，唉…又死係呢到，係時候要衝破呢個障礙了。

冇上網d時間真係好用好多，又可以專心咁同人傾下電話、打日記打快d、睇下電視咁，睇o黎都真係需要戒下上網呢個習慣先得。

練完結它再打日記o既後患就係打字時會手指痛。