12-7-08(六)8:13被阿哥o既手提鬧鐘嘈醒，大穫，我返8:15，又遲到，要撘的士返工。

明明教育局已宣佈上午校學校停課，但我地仍受社署管轄，所以小朋友仍可繼續回校，我d全日出組計劃泡湯了。

出組時已將powerpoint整得七七八八，某d公仔o既背景未變透明，同埋有d動畫路線有d問題。至於妮妮o既問題，真係要多得阿何o既一句話，「將佢個肚變色!」，我真係傻左，琴晚竟然卡住係呢到唔識做，我只要將佢個肚填米白色咪得lor!

家長茶聚時，幫校長set電腦、投射機，跟住Rachel o黎叫我簽膳食單，我問佢我俾左飯錢未，佢話俾左，否則實追我，跟住我應佢「唔受溝!」之後Rachel無出聲，但手指指指著我係到話我。佢走左後，校長話Rachel唔識呢d野架!我重以為佢想話我講野咁粗魯tim。

後來我同Rachel講返校長o既對話，Rachel點會唔識呢d野，佢當時只不過手指指指著我話我咁大膽係校長面前咁講野。

後來行去電腦室做野時，見到嫻姐同阿何係到笑，問佢做咩?原來嫻姐話我瘦了，想問阿何我有冇做gym，點知阿何聽左以為嫻姐問吳老師有冇做豬。一.一搞錯!阿何你點聽野架!

放1：15，先行去車站，才1:18，跟住行番去滙豐過錢俾少敏，再1:25行番去車站，坐1:45車回家。返到屋企先烋水沖涼，仍然上唔到網，跟住係到睇魔法奇緣，因為呢幾日都同d小朋友係度睇緊呢套戲，每日睇幾個字，都未睇曬，於是睇埋先沖涼，4:00沖完涼吹乾埋頭髮，跟住就瞓覺了，6:00醒了，奇實未瞓夠，不過唔瞓了，一心諗住做埋過powerpoint先，點先去左睇小說，係電腦睇完部小說時已8點幾，之後就做powerpoint，9左右，阿爸阿媽返來了，第一時間睇下有咩食物，但仍然冇炸紫菜，最後食了幾塊蝦片同2粒腰果酥。咁就一餐晚餐了。

10:00powerpoint完累，好累，又去左瞓覺，12:45俾電視聲嘈聲，同埋俾d濕疹整到痕醒左(可能係d中藥迫曬我體內d毒出來，搞到而家勁出濕疹)，醒左諗番頭先個夢就係係到set緊課室有關project o既角落，真係返工返到上曬腦tim。(冇計，呢兩個星期就係要做有關光o既project)

醒左，發覺仍然上唔到網，跟住同阿媽一齊係到睇大長今，睇到差唔多2點，眼好累，想去瞓覺，但濕疹仍然好痕，又瞓唔到，所以同阿媽係到傾計，反正都瞓唔著，2點幾起身去打日記，4:50先瞓。