10-7-08(四)同阿何調班，返8:30放5:30，返工時已經落雨，本身已拿著一袋手信(今晚攞返棋社)，跟住重要去買三個飯盒($12就有一個盅頭飯同一杯豆漿，好抵食!)，非常狼狽。

放5:30，坐5:45車出油麻地，4個字時後已落車，係棋社同Kelvin捉棋，黑棋取180目，輸5子10目。呢期同佢捉棋都係輸係10目內，不內開心o既係可以係人地d地到不斷打入，然後活到。(重要o既係我終於肯諗係棋點行，唔再憑咁多第一感。)

上堂前做征子題，d題目好得意lor，臨尾可以圍出一個好有層次同好靚o既圖案。

由7:30上堂到10:00，好累wor，今堂講棄子手筋、雙撃手筋、搶先手手筋同倒脫靴，倒脫靴真係好難，返屋企真係要再好好研究下點完整出來先得，雖然難，不過欣賞呢d咁妙o既棋，不怪得Dranell話越捉上去越見到好多妙棋，開始培養對圍棋另一個層次的興趣。

晚飯都係潮樓，席上王子教我玩扭計骰，原來係有公式可以背，不過佢今次呢粒骰太細小，但佢下次帶粒大d o既骰o黎教我扭。好想學識呢樣野!因為由小到大都冇試過成過還完呢粒骰。

飯後，細寶拿左副磁石棋出來，我同kelvin又係到捉，成班高手阿sir睇住我地係到捉，所以我先亂來行埋d奇怪棋，令蘇蘇唔相同琴日係網上同我捉棋的那個是我，跟住Kelvin行 d棋都同我係到打交，打下交咪好lor，各自圍地先再圍攻會對我不利，因為我都重未好識佈局。

回家時，好彩已停了雨。

Frank係msn話星期六有平飛$80去海洋公園，4年未去過了，好吸引，好想去，但本身又應承了鸞姨去珠海(但如果珠海落大雨就唔去了，以免坐船時會好拋。)上網check過珠海天氣話會有暴雨，同阿姨傾過唔去了。於是同Frank講話可以去海洋公園，但其實香港天氣一樣唔穩定，天文台話星期六都會落雨，但我ignore呢個事實，寧願相信當日會有轉機，陰天有得去玩。