8-7-08(二)返工，做Project第二日，小朋友對會發光的玩具非常有興趣，加上今日天陰下雨，係課室到熄曬燈來玩，好有氣份，好似中秋節咁。

Lunch時，積極打報告，話咁快就過左一個Lunch，死啦!重有畢業班o既

powerpoint，兒童發展報告、profile未做、d相又未影。真係要涼爽手d先得。

放學時，璥鋒媽媽讚我「西利」，因為我能將小朋友o既活動，即日礇報，有文字，又web，重有相，日日出4版記錄，佢問我要做咁多野，有冇食飯?咁飯我都有食，做呢d記錄又唔係好難，已經慣了。K1時陽陽都同樣讚過我每日出報告出得咁快手，一定好辛苦。其實辛苦又唔辛苦，只不過呢期同一時間有好多野等住我做鎹。

放6:00，慧卿同錫楠成6:10先走，仔走曬，我即刻閃人，諗住要趕6:16的巴士，點知我到巴士站，架巴士都未到，成6:25先開車。6:47先出到油麻地，同kelvin一齊上工聯會，今日冇乜人上堂，起碼少一半。我同kelvin捉了盤棋，我用黑子，得地180目，輸5目。

跟住同兩個同學仔捉棋，其中一個男仔一開始有兩隻角自點33，大佬點玩呀，唔駛捉啦! 而我卻指搶到一隻角，同半條邊，好後來打入佢o既地又活到，後來更斷了條龍，yeah!險勝。

另一個對手係Jenny，由於要分心同2個人捉，重要不斷搶地，搶搶下一隻右上角同右下3分一大角，完全冇乜留手，因為我同佢捉時完全冇諗棋，主力同點33那個打，所以同Jenny捉時，見棋就攻。攻攻下好鬼大塊地。死啦!嚇驚左人就唔好了。

捉到8:20落堂了，返過棋社，睇人地捉棋，同埋叫阿Sir教我地捉讓子棋，佢講了d妙手俾我地知。

九點幾去食飯了，都係去飯堂潮堂，有我、Kelvin、May、焯燃、蘇蘇、阿卓、Dranell。

阿卓係一個好有個人己見o既人，成日得佢講，而佢又好似唔多聽人意見時，我o既反應就係嗯，慢慢都唔知有咩好再同你講了。

成到11點，跟住再一齊去麥當勞食雪糕，食到成12:30先走，返到屋企成點了。
同Samuel傾開電話，佢問我間學校係邊，我話吉之島樓上，佢話佢成日係吉之島夾公仔，而我落去夾公仔o既地方都唔駛1分鐘，原來我同佢成日都係近在咫尺!

沖涼洗頭，都搞成3幾點鲻，真過份。

9-7-08(三)返9放6，好好彩d小朋友可以係6點時飱飱走曬，同阿何一齊坐6:10的免費巴士返愛民，跟住Kelvin同Dranell o黎了我屋企，我地係kgs覆局，同蘇蘇網上捉棋，跟住就同Kelvin捉棋，險勝少少，白175目，其實多得阿Sir教路的。捉到11點幾，跟住落旺角食飯，食麻酸樂，叫了碗小小酸辣紅薯粉，好酸，麻麻地喜歡吃，食到成12:45先走，跟住回家了。

沖涼洗頭，又成3點先鲻，呢兩日都實在太夜鲻了。