28-6-08(六)8:00morining call，當然不會第一時間起身，因為我都專登教手提遲15分鐘先起身。梳洗後，落樓食早餐，門口recption姐姐叫我地去第二層，跟住關心一家人又坐近門口，佢同reception姐姐講我地係一齊的，真好，幫我們解圍了。D早餐唔好食，食下西瓜算了。

第一站去買龍井茶，茶葉$250一樽，我就冇買了，因我好記得屋企人對上一次都有來買龍井茶，但都冇飲，跟住去睇雲南火腿，然後又去睇菊花茶，菊花茶有$200 三樽，到後到$50一樽，而團友又問我地一唔一齊夾，於是我要了一樽。

午餐的地方是吃農家菜，餐廳外有得釣魚。

餐後坐車落蘇州(上有天堂，下有蘇杭)，車程中我又瞓覺了。

去到蘇州先去烏鎮，一個水鄉(江南水鄉六大古鎮之一，2001年，烏鎮景區成功的接待了亞太經合組織第九次領導人非正式會議（APEC會議）的各國嘉賓，景區正積極申報世界文化遺產和國家AAAA級景區，目前，聯合國教科文組織已正式批准烏鎮列入聯合國世界文化遺產的預備清單。)

見到村中有船在一條狹小的河度遊覽，幾鐘意呢d古式古香o既鄉村感覺。
係村中食了一樣名叫烏凍的食物(即係涼粉)，離開烏鎮又要坐好耐車入蘇州，我又係車上瞓覺，都唔知有冇攪錯，成日瞓。明明已經瞓了好多好多好多……

再落車時到了「天渡橋」，蘇州的導遊上車，叫阿偉，佢係當地旅遊局派來跟團的，因為今年奧運年，國家派番當地o既導導遊去跟車，講解返當地o既文化特色。

係「天渡橋」呢到開始體會到蘇州內會有好多河。見到阿偉食緊臭豆腐，我係烏鎮時已想來試，d豆腐細細塊正方形，易入口，但又驚太熱氣了，況且我還有很多啖。於是問下阿偉d豆腐好唔好味，佢話幾好，跟住就請了我同少敏一人一塊，味道不錯，真係好，可以今一塊滿足了慾望，又唔駛買一包來食。後來買了杯龍子羮，味道像奶茶，甜甜地味道不錯，反正甜野就一定啱我。

跟住阿偉講番蘇州歷史，佢話有一個「衰」神，他所指的是講西元前514年，吳王夫差身邊的大臣伍子胥，講起呢個人我就諗起以前睇過由郭晉安做呢個角色個套戲。同埋當時鐘意左呢套戲首歌，由周華健唱o既「朋友」。

晚飯後行了蘇州o既一個古城，城內o既舊樓很有風味，跟住坐船遊河，另有一番風味。可以睇下當地人o既屋沿河而建，屋外有石級可以行落河到洗衫、沖涼。

出城後就回酒店了，入住太湖國家級旅遊度假區內太湖明珠度假村，酒店真係好大，樓底又高，不過竟然冇得上網，敗筆。