21-6-08(四)返工心不在然，個心覺得好苦，因為外評始終都要延期到7月4日。

上午同小朋友玩集體遊戲「免觸電」，佢地要避開d繩(電線)去運貨。本來呢個活動係做俾督學睇，不過佢地冇機會睇了。

到下午葉老師來時，佢同我一齊傾下下次督學來時，我可以帶咩活動，同埋研究左點佈置番個課室，所有野都計劃下來，並開始實行，又覺得下次外評不太困難，同埋我有信心係下個星期四我去旅行前可以做得曬d野。

放5:30即閃，撘到5:35分班車，可以6點前到棋社。

同傻狗捉了一鋪棋，佢教了我行d大棋，再捉落去，我會win，所以都冇再捉下去。不過今日真係好唔想諗棋。

今日另一班只得Amy一個人來，所以聯同我地班一齊上。我今日精神狀態極差，一來唔夠瞓，二來心情總因為外評延期而爭d，所以我都好靜，眼光光望意白板，d野全部唔入腦，Dranell話上堂氣份好奇，佢話講得好眼瞓，傻狗話因為我，下…唔係奇，我邊有咁大影響力呢!除非我頭上d污雲飄了去你們到吧!

上完堂再捉棋時，竟然頭痛，所以棋都唔好捉了，睇人捉吧!免得傷神。

Kelvin同細寶捉那盤棋，本來Kelvin會win，但佢走去同人打劫，搞到岌岌可危，真係…佢地捉到10點後，要被人趕了。

Dranell提議橫崗食拉麵，去到時，間鋪出面太多人等，於是一齊去廟街o既街巿。

我、傻狗、Dranell、Amy、蘇蘇、Joey、細寶、Kelvin8個人食只係$45，也不算太貴，同潮樓差不多。

食飯時，聽傻狗o既gag，我真係俾唔到咩反應佢，跟住佢就好努力繼續諗gag，睇佢認諗gag o既表情，真係覺得好可愛，比Kira更可愛，不怪得Dranell話佢純情少年，I agree。

跟住我提議去松記食糖水，由於心情不太好，總需要d甜o既野食o黎平衝番自己。於是我、Amy、Dranell、傻狗、細寶、Kelvin六個去了食糖水。

甜o既野食對我o黎講真係好有用，食糖水時，我開始復活番，講番野了。大家一齊研究字跡，傻狗d字真係靚wor!好似女仔字咁! Dranell d字就有靚形(Kelvin話的，我覺得好搞笑，有靚形，好似講到捉棋o既怖局咁，有靚形)，跟住玩刷圓圈遊戲，Dranell話有定式，然後我同Dranell玩四層立體過三關，我win了，但佢地有d人都唔明點解我會win，玩呢個係需要有空間感的。Kelvin話我頭腦好男仔，因為一般女仔o既數學通常冇咁好。

食到12:30leave。太夜了，我不敢行QE個邊返屋企，寧願行番教會個邊回家，雖然路程會遠5 - 10分鐘，但果條路我行得熟d，安全感會大d。

PS其實今晚都覺喉嚨開始有D唔舒服，但還去食糖水，真係有點亂來，不過我經常是這樣的，唔舒服個幾日都會食西瓜同雪糕。百無禁忌。