15-6-08(日)9:30起身，10:30行出商場諗住坐車落紅磡時，就call阿何，諗住一齊撘的士去。阿何收到我電話時，佢話佢都正有此意打俾我，叫我一齊撘的士。

10:45前已到黃埔堂樓下，等埋阿Lo，就一齊上十樓練歌，11:30崇拜開始，係安基主日裡，安基老師同校長就一齊獻詩，我地唱動力信望愛。崇拜結束前就由K3小朋友獻詩。

1:00崇拜完，跟住同牧師佢地去飲茶。然後3:30同阿Lo、阿何、校長一齊回校做野，飲左校長送俾我支白蘭氏膠原蛋白冰糖燕窩，諗諗下我都好似連白蘭氏雞晶都未飲過tim。

6點幾時阿Lo開了包薯片，之後我就食埋芊芊早幾日送俾我o既朱古力，跟住就成晚都冇食過野了。我7:45leave，坐8:00免費車回家。

實在太累了，本想回家早d瞓，點知諗住搵埋d天然資源圖片(for星期四考官來睇上堂用)搵極yahoo d圖片都好細張，好彩阿細教我去baidu到搵。但都搵到成12點先瞓。