8-6-08(日)琴晚3:30瞓，今朝9:50起身，返午堂，一邊行返教會時，已係到諗teeenzone o既待奉如何是處，呢3個星期因學校training已無返去，感覺好似又遠離了呢個待奉，我同神講，我希望有d提團較熟悉o既人同我一齊參與呢個待奉，多個同行者，我諗我會容易d堅持落去。

還差3分鐘就到11:00了，我係禮堂攞完手套，即刻急步行5層樓去天枱嗚鐘，今次嗚鐘嗚得幾好，每下力度也平均，夠響亮，我嗚鐘後落番禮堂時，係樓梯撞到曾子，佢都話我嗚得好，我話多得俊傑上次o既教導嗚鐘的秘訣。

崇拜由陳嘉麗校長講道，佢今年都第三年神學畢業了，跟住又有禧恩堂一個姊妹，勒民詩分享，我琴晚執屋時，睇番Tazie d資料，先見到呢個名，果時重諗緊佢係邊個，估唔到佢今日就o黎安素分享。更巧合的係佢將會9月o黎安素做宣教師，落teenzone幫手，神算唔算應允了我的祈禱呢?多一個悉o既人去teenzone，但又不是太熟悉wor!

崇拜後，Shauna搵左勒民詩相認，佢認得我地個樣，但唔知道在那裏認識，咁又係，同一個教會，咁多function，同識不同堂會o既人，又點會記起邊到識，好似我呢d較向o既人，少接觸其它教會的人才會好記得d人係邊到識。

之後去101室睇下有d咩義賣物品(幫四川災民)，係呢到撞到千秋，我同佢講我都有興趣kjoin盟約小組，因為我今年都未必會再進修住(琴日執屋時，睇番讀CE時o既功課，突然間好唔想讀書，唔想做功課，我享受現時的生活，再加上學校claim費o既問題，同埋俾少萬幾蚊讀ied可以取榮譽學位，幾種因素加埋，我想拖多一年先讀)，我地相約一天一齊參加盟約。佢同我講話覺得我o既恩賜不只是在幼兒方面，佢認為我可以做更多，佢鼓勵我繼續好好做teenzone，這又是神對我說的話嗎?我不知道!但我會將這兩件事記在心裡。

Lucnh同Joe、Edmund、鵬嫂、阿鵬、誠誠、寶文、Chiris、豐一齊食椰林閣。

2點幾食完飯，突破間想去highligh頭髮，因為今日簡直係一個highligh頭髮o既好時機，因為夜晚唔駛學檢撃，否則highligh完頭髮，就唔駛得頭，但學檢撃要帶頭盔，戴完個充滿汗味o既頭盔，又怎能不洗頭呢?而星期六又要去teenzone，更重要係今日有時間，所以計來計去今日真係一個highligh頭髮o既好日。不過卻要面對俾人話的危機，是關6月17日同19日，學校外評，教育局o既官員會否不滿老師咁in呢?但學校都有其他老師有highligh頭髮，唔怕怪…

接近3點去到，由於太多客人，等左差不多10個字先有得整，最後整到7點1，用左3個鐘多d，同整負離子一樣咁耐，不過highligh完d頭髮，真係幾金wor，自己係鐘意，不過唔知能否返工呢?

跟住行花園街，買d教材 – 昆蟲、動物公仔俾小朋友玩，同埋睇埋其它有用o既教具，其實我好鐘意行街買野俾仔玩的。

返到屋企都成9點，跟住睇超力仔同小說，11點幾後先捉棋，跟住由阿sir覆局，同細寶捉棋，自知怖局太弱了，實在雖要勤加鑽研，不過我又覺得不應在沈迷下去了，等手指好番，要練番結它，另外再要學多幾個course，當中包球網球，還打算再學多一樣。

2點半瞓。

9-6-08(一)9點起身，10點返工做野，校長分工俾我地，要我地執番d文件，2:30叫外賣下午茶當午餐食，食完差不多3點幾，跟住開左2個鐘會，大家夾下d問題點樣答。

開會氣氛不錯，感覺大家融和了很多，雖然假期要返工，但我卻仍然很開心，一班同事一齊積極做野，為外評而努力，感覺很好!

今日同阿彭調了6月28日o既短週，我又再請番6月30日，咁樣我就可以由6月28日至7月1日連放4日假，我要去旅行，決定得好急，但希望去得成啦!

校長話今日返左來做野，會補番一日假期俾我地，好野!

做到8:40走，行吉之島想睇有冇d膠樽(又係整教具俾仔玩)，跟住坐9點車回家。