7-6-08(六)琴晚2:30瞓，去到2:00可以瞓覺時，突然就去睇小說，真係無厘頭，借左快兩個星期，都未睇過，既然係疲倦之時又走去睇…
7:00時，阿媽話我知黑雨，好野!唔駛起身住，於是較到8:15又起一起，9:15又起一起，驚隨時冇黑雨時，都要即刻返工，一個鐘一個鐘咁樣起下瞓下，都幾辛苦，不過眠得一時得一時，因為下午本身都要返學校開會，10:15時阿哥又剛睇完電視入房，我問佢有係咪繼續黑雨，佢話係，所以繼續瞓。11:02到收到阿蒙電話，佢話已經由黑雨變紅雨，於是起身準備返工，佢都猶豫緊駛唔駛返工，因佢本身放12:30的，11:11收到阿Lo電話，佢話今日唔駛返工了，下午也不用開會，改為星期一10:00，咁都好的，落雨濕濕我都唔鐘意出街。
繼續同阿蒙傾電話，而她也不用返工，我地傾緊點樣按排自選活動o既問題，傾到12點，又再瞓過，2點起身，跟住捉棋捉覆埋棋到5:00，就睇埋琴晚本小說。
6:30睇新聞，新聞話舊咖啡灣有護土牆因山呢傾潟，埋抺了一間前鋪後居的士多，屋內的人已救出，但不知情況，希望佢地無事啦!
今日可以係屋企hea，好開心呢!也想執屋，也許只是想，因到而家都未行動。
一切也是整定，本身我今日係短週，係未知外評前，我打算放埋6月6日，那就有4天假期，也可以去旅行，點知一知道外評後，旅行取消，短遠取消，但結果今天都係唔駛返工，重可以留番日假7月頭連放兩個星期六。
7:45-8:45睡覺，睡醒睇電視「獅子‧女巫‧魔衣櫥」，呢套戲係同阿蒙一齊係戲院睇的，現在到電視播了，一邊睇電視，一邊執屋，執到11點幾，就同左Chole捉棋，跟住覆盤，然後再執屋，搞到成3點幾先瞓。
咁就輕輕鬆鬆過了一天，之後的一星期有排忙，因為督學官來校，大把野要執。