3-6-08(二)一返工，好彩都有d小朋友o黎關心我，問我隻手指有無事，不愧為我d好仔女。

放6:00，留係學校又執課室到8:00，同阿何一齊走，由於趕不切坐8:00的車，所以我地去了行陣街先，行ans，我同阿何都睇中一個可以裝卡o既袋，如果唔係見阿何有會員卡，可有85折，否則我一定不會買。

最後買了個銀色袋，可以襯番個銀包一set。

坐9:00車回家，超累，10:15就瞓了!

4-6-08(三)8:10起身，瞓左差不多成10個鐘，機乎等於兩天睡眠的總和。今日放工也留校到8:30先走，終於將課室o既櫃頂執好，係呢到做左幾年野，返到屋企繼續打埋d教案，本來可以唔駛一個鐘做曬o既野，就因為一路msn，一路打，結果搞到成2點先有得瞓。

5-6-08(四)下午2:30教育局督學到校同我地講6月17日同19日o黎做品質檢視o既事宜，傾到3點，小朋友起身，跟住開生日會，我成幾個月冇食過蛋糕了，3、4月就on diet，5月就去了IED聽講座，而今日終於可以食下蛋糕了。

放5:00，5:10走，點知班車都要成5:22先開，5:50到棋社，同Kevin捉棋，佢已經係KGS 9K了，結果我被殺，>.<還了他的心願!

同阿Amy捉棋，佢行得都有板有眼，幾靚!圍到地!小師妹都幾有潛質!

心明Sir介紹了佢o既同學仔細寶o黎我地班上堂。另一班上堂時，我同阿寶捉棋，Frank同Kelvin捉棋，捉棋後，我地同埋細寶大家一齊研究手筋。

10:00落堂後，我、Amy、細寶、Kelvin、Chole、Wilson、King、Dranell一齊去了朗豪坊o既街巿食晚飯。

回家後同細寶係Kgs捉棋，捉三盤都win，細寶怖局好好，呢方面係我弱項，我只好不斷打入同殺棋，才能win。

最後成3點幾瞓，明天7點幾起身，真係唔掂!

6-6-08(五)返8:00，今日、總幹事、阿Ben同安康校長o黎我地學校模擬視學官觀課，查實我都冇咩壓力，一切如常，Lunch時，佢地三個見老師，問我地問題，4:30小朋友放學時，總幹事、阿Ben同安康校長就回饋番我地，同埋教我地點答問題，點樣sell學校好野同有咩賣點。

講到成5:45，6:00leave，坐6:10車回家。

本來就升9k，可能win多1、2鋪就可以升，點知輸2win1，我發覺我對住d 7ko既人，未能有勝算，還是對8-9k好了。