29-5-08(四)放6:00，6:08走時，6:10開到巴士站，醒起自己好似放番把縮骨遮落袋，係咁o衣搜下個袋，都唔覺有把遮，於是即刻跑番學校攞番把長遮，因要趕撘6:16的212出油麻地，原來一來一回都只係需要2分鐘，好彩去到巴士站時，都趕得切坐呢架巴士。

去到棋社同Kelvin捉棋，傻狗話我怖局好左，冇錯，都係多得你教我，我先開始留意呢樣野。但結果輸3目，最唔抵係臨尾就結束時，被佢d棋活了。

阿Sir由今日開始分番兩班上堂，Chole、Wilson、Elvis、阿澄、Amy、阿卓先上堂。(Amy、阿卓係工聯會上完初班，然後o黎呢到學棋的新同學)而我、Kelvin、阿寶、同兩名新同學(Simon sir介紹來上堂)一齊上。今堂學小目定式，派左5張notes，要背10個定式，因係要好好努力下先得。查實分班上堂後的效果不錯。大家都唔駛留低聽一d唔明 or 聽過的東西，時間慳了，捉棋時間又自然多左。Good!

晚餐去易牙妙手食台灣野。Kelvin話我係日記到打佢個名打錯了，以前係啱，但係打打下就錯，事關最近識了另一個Kevin，佢個名係冇l的，我就以為Kevin係冇個l字，所以將你個名改番做冇，soory呀，打錯左你個名。(呢句係專打俾你睇的!)

食到11點幾，回家又掛住捉棋，成3點幾瞓，次次上完堂果晚，都零舍鐘意捉棋。

30-5-08(五)放6:00，好彩放工冇落雨，出佐敦同阿蒙一齊食沙o爹王，跟住行恆豐同嘉連威老道，去睇下d NIKE同ADDIAS o既貨品，因為佢識人買可以7折，睇中左兩件衫，並抄低no俾阿何。行利士時，睇中左一對錄色水晶耳環$188，我一向都冇綠色水晶耳環，所以都想買，佢sales話實價，冇得減，其實價錢OK，不過你唔減俾我，我又覺得唔著數，所以冇買了。

出左商場，同阿蒙去了對面鞋鋪睇鞋，本來我都冇打算買鞋，後來被一對鋪滿水晶o既涼鞋吸引，諗諗下，今次暑假都冇買到birkenstock d鞋，咁不如就用果筆錢買呢對鞋la!我真係好鐘意d閃爍既東西。

11:00leave，阿蒙話去栢麗那邊撘車，於是我陪佢行番過去，然後自己行佐敦回家。