20-5-08(二)學校買左幾架新單車，我d仔攞左其中一架車o黎扮雪糕車，叫人買雪糕，我教佢地講：「埋o黎睇埋o黎簡!」好鬼搞笑。不過代價係佢地超糟。
阿女遲過6:00先走，我去到巴士站時，6:10的巴士已開了，去了行吉之島，跟住6:25已經再去番巴士站等6:40的車，等車時又落雨又大風，d雨撇到我濕曬會好唔舒服，所以lay左入電話亭，擋擋風和雨，到有車時就上車。

今晚終於係網上報左稅，再拖下都驚自己唔記得。

一直以為明天係濕疹覆診，到攞張覆診紙睇時，先知係下個星期三，真係「烏龍」，跟住就搵番阿何調班，由返中調回返尾。

12點幾就睡了。

21-5-08(三)放6:00，Mandy去了我學校找我，佢係電腦室窗口到叫我，跟住我換衫放工搵佢，會合佢時，我話佢知係公園玩的小朋友是我的學生，跟住芊芊首先發現我，佢同埋陽陽、佳俊就係公園到大叫「吳老師」，全個屋苑都知我是吳老師了。

之後同Mandy一齊落公園搵佢地玩下，同家長爹下。

然後就去行吉之島的超級巿場，行行下偉仔都來到，埋單後，就搵地方食飯，佢地提議任飪任食o既打邊爐，我都想wor，於是就去搵酒樓。行到去108商場，見到間酒樓任飪任食都係$65、俾埋湯底同加埋一，都$100有找，所以食呢間酒樓。

D野食都ok，好多選擇，鑵裝飲品有飲石榴汁(久違了的味道)、芒果汁(太淡、冇咩味)、保健力(似保礦力，ok呀)、楊桃汁(太淡)、冬季茶(第一次飲，味道幾得意，但唔會買)、竹庶水(都係甜野最啱我)、酸梅湯(冇叫到)。

一邊打邊燱、一邊睇電視同吹水，很開心呢!我由返工個刻已等緊放工去玩了，同Mandy、偉仔食飯真係好開心架!(偉仔呢句係專打俾你睇架!同埋多謝你o黎睇我日記呀!係咪好開心呢!! ^.^ kekekeke)

食到11點先走，好滿足的一餐。

22-5-08(四)放6:00，6:50先去到棋社，上堂前同傻狗捉左盤棋，未捉完就去了上堂，上完堂、想繼續同傻狗捉埋果盤未完o既棋，點知d棋應該郁左位，所以冇再捉了，再捉個盤新的，係頭幾十步，我係度亂打入，結果輸了，跟住冇再捉了，改由他教我佈局，跟住佢同Elvis捉13 x 13，我就入課室睇阿SIR一對三(kevin、Chole同Wilson)我係度幫Chole研究點行，跟住Frank都入來幫手，我地三個不斷移d棋，阿SIR好好記醒，我地郁過D棋後，佢都能記得原狀。

10:00Levae，難得阿寶都留到10點先走，晚堂仍然潮樓，潮樓已成為我們的飯堂了。