9-3-08(日)阿勝同Tracy o既大日子，6:45起身，梳洗後8:05出門，坐的士出油麻地消防局，個司機好後生，一上車就講：「小姐早晨，請問去邊度?」勁有禮貌wor，落車時19.2，佢重找番1蚊俾我，突然覺得香港都幾有「好客之道!」

得到差唔多8:26先上到69x，上樓上個層，就見到偉仔同我同車。後來係汀九附近phoebe call我問佢地行緊個條路啱唔啱，跟住我地架巴士重同佢架花車相遇，點知臨入大欖隧道時，我睇住佢架花車同我地架巴士分開了，原來佢跟錯了前面部59x巴士(佢地以為係69x)，行了屯門公路。

我同偉仔係西鐵站下車後，會合埋其他兄弟姊妹就一齊坐的士入村了。

去到Tracy時，發現花車行錯路都比我地早到，跟住眾姊妹團就屋預備了。阿勝買了麥當勞麵包俾我地做早餐，真係周到。

我負責收開門利是，佢地好順攤即俾，跟住就玩遊戲。

阿勝作詩用我愛鄧友蓮一生一世為每句的第一個字，要他作9句，每句9個字的詩，佢都作得好搞笑!

接完新娘後，出門時，佢地會燒炮仗，跟住坐車去男家，點知嫁花車又行錯路，真係好搞笑。

去到男家時，要等長輩出玩先敬茶，長輩遲遲未來，佢D屋企人叫我地先上茶樓食飯先。

兄弟姊妹一齊去飲茶，跟住我、雯雯、Phoebe、Edmund、阿牛、浩堅去了又一城飲下野，然後Phoebe、Edmund、阿牛坐的士去藍車取玫瑰花，我同雯雯、浩堅就坐的士過灣仔酒樓。

之後一齊去教堂，KK 的訓勉簡而精(1,2,3)一個信仰、二人成為一體、三個家庭的負擔。

我地提團獻詩，婷婷話我地女聲唱到好似一把聲咁，真的好了!

婚禮完成，我同力SO係到收執物資，跟住過酒樓。

係酒樓見到好多久遠了的團友，如馬神、Vico、屎虫…

大概11點幾就走了。終於忙完了。