3-3-08(一)放工去百佳買了兩枝西柚汁，然後會合阿魚一齊去豬骨煲打邊爐，跟住佢發現了我買錯了橙汁當西柚汁，er…真大意… 唯有食完飯先去換，今餐係阿魚請我食的生日飯，多謝曬!

飯後又要去百佳換番兩枝西柚汁，跟住同阿魚行出家維村撘小巴。

4-3-08(二)係寶石戲院附近坐小巴出旺角花園街，係新世紀廣場樓下o既玩具鋪買玩具車，校長叫我買$300車，簡左半個鐘到，買左十幾架，重死我。跟住去取裙，條裙勁鬆，直頭跌落o黎，因為瘦了，個sales話佢係跟足我當初量度的size做，咁我都信，只不過係我瘦左啫，佢話佢唔會改，改左已不是原本的形，跟住個sales叫我俾多$30整條帶可以俾我加Bra帶，講左好耐，講到$15，佢話佢一半，我一半。唯都冇計啦!萬一到時跌裙就真係好核突。

5-3-08(三)放6:00，行去紅隧坐109過海，7:05已係灣仔落車，行去循道衞理聯合教會國際禮拜堂(英語堂)，我都係第一次去呢個堂，佢問口個矮鐵閘好用外國feel，陪Tracy同阿勝試步，阿勝講宣言時，Tracy係到笑，俾牧師拍佢個頭。

試到9:00左右Leave。

6-3-08(四)放工先去金都買腰封，然後著住個腰封去取裙，有左腰封後，條裙有咁跌，但無意中發覺條金色邊後有d筆跡，跟住同佢講，佢話整番俾我，但我又趕住著，佢話一係我著完先會番去俾佢洗。呢間野真係唔掂，d手工咁差，再靚o既裙都冇用。

跟住學圍棋，學棋後同Phoebe食飯，不過先家樂那間相熟o既衫鋪睇衫，同埋試左條裙俾佢地睇，其後Mandy也到來。

之後去食易牙妙手，就咁叫肉同菜都成五十幾蚊，中貴過食一個set dinner。

7-3-08(五)門訓

8-3-08(六)攞左條裙返學校試俾同事睇，一試先發覺佢那個bra位d線係到脫緊，跟住爛埋，好彩娥姐幫我用象筋繩整番，同埋幫我收緊埋條腰帶，條裙終於合身了。娥姐好熟手，好快就聯好條裙，如果我自己聯，都唔知要幾耐先聯到。患難中又有天使出現了。Thx god。

放工去了家樂配番條bra帶放落條姊妹裙到，有條珠鍊同我條裙勁襯色，但諗落我加了毛毛掮肩後，都會見唔到條珠裙，同埋我又未必會係平時用珠鍊來襯bra，結果係只買透明bra帶算了。

跟住返teenzone。