8-2-08(五)今朝9:30起身，難得早起，不過都訓左13個鐘，下午2：00，就準備出街，因為約左Phoebe、惜利同佢個仔食tea，去撘17號之前，call左姚少敏，咁啱佢都係愛民幫佢阿媽擺檔，同佢傾左陣後，就坐17號出觀塘了，去到apm，先發覺原來惜利老公同佢老公個朋友都係到。

我地之後去了suzki食tea，成朝冇食野，到而家先有得食，真係餓死人。重到5點左右，跟住佢地走了，我就同Phoebe行一陣apm，陪佢去吉之島買野食。

之後我出番裕民坊o既數碼通出搞轉，用3G重抵過用2G plan，$68一個月，1800基本+800自己人，只送一個來電轉駁，再加$12隧道費。出完電話都差唔多7點，跟住就等17號巴士返屋企。

收到阿霖CALL問我去唔去佢屋企打牌，我話你地車番我返屋企我就來，佢話要問Alex，跟住再call番我話ok，因為佢地3缺1，唔夠腳，放且佢本身都要車番自己細佬返家。

如果唔係出搞轉台，遲左返屋企，如果一早返左屋企，我都未必會再出o黎。坐89x，3-4個字就入到愉翠苑，係佢地屋企打牌，晚飯就由Alex煮芝士焗意大利粉、燒夜就食點心，打牌打到成3點幾，Alex就車我地走了，4點左右返到屋企，搞搞下都成4:30先訓。如果唔係要返屋企蒲一蒲頭，係阿霖屋企過夜，再由呢到出彩虹會近好多。

9-2-08(二)初三、赤口，8:30起身，10:00出到彩虹，同力蘇、知行一組去探訪兩個獨居長者家庭。佢地都係攞綜援家庭，較貧窮，第一家o既太太希望睇醫生時有人陪，因為佢先生年老了，唔方便陪佢，而第二家的婆婆實在太精靈了，會做義工，善用社會資源等(到楊震用$1洗澡，因為擔心一個人在家洗操時，跌到冇人知)，佢重話房屋署面子大，做佢o既義工有多d優惠，如免費食齋等。

探到12點幾就走了，行番去地鐵站會合阿鵬、鵬嫂、勤豐(神學生)同Phoebe出番油麻地食味千拉麵，食左個咖喱炸雞飯，d咖喱都幾好味。

2:00團契，第到2:30差不多齊人先開始，玩開口中、吹蠟燭、大電視等，跟住煎年糕。3點幾開始煎年糕，煎到差不多5點幾先煎完，由於我太累了，5點幾我都走了，回家好好休養，是關今朝只訓得4個鐘。

結果沖埋涼8:30就訓了，訓到第二朝9:30，又訓左13個鐘。