28-1-08(一)返9點，本來同社工Shirley約左廖安麗(葉青霖太太、現代經典老板、以前TBV藝人、曾釋演郭芙)3點做訪問，12點幾收到Shirley電話，話廖安麗要開會，所以推後4點做訪問，真係一件好事，是關我能夠留多一個鐘係學校做野，呢輪每日要出project報告、又要趕出評估表，而家俾多一個鐘我做野，真係太好了。

2:50離開學校，坐小巴出佐敦，再轉地鐵去癸芳，剛剛好3:37出閘，會合埋社合就一齊行去現代經典o既影樓搵廖安麗，係大堂等佢時見到佢張全家福，d油畫真係影得好靚，廖安麗呢個樣係完全冇印象lor，反而佢老公我就有印象，因為以前買canon相機曾經送過一隻佢教影相o既碟。

去到佢公司時，接待員姐姐話佢補緊娤，要等陣，到佢一出來時，我都覺得佢個娤化得幾靚，明星不愧明星，跟住佢問我地攝影師o黎左未…er…原來佢以為會有攝影師會來，Shirley只係同佢講話會同佢影d相攞係幼苗坊到一齊刊登，是她誤會了。莫非因為佢以為會有攝影師會來，所以要補娤補靚d。

佢問我地點解會搵佢做訪問，因為佢兩個女都大了，一個快20歲，一個17歲，反而十年前就有人o黎訪問多d，我地搵佢訪問因為佢d女已大了，是過來人，有經驗可談。

廖安麗講野好流暢，佢話因為係tvb訓練返o黎，以記稿，佢大概4:15-20分出來同我地做訪問，都傾到成5:35先走得。臨走前，佢送了一本「生死兩相安」o既書 – 係一d曾面對死亡o既人o既分享o既書，同埋日曆俾我地。

訪問後，我去了行癸涌廣場，諗住買一對黑鞋(去婆婆喪禮用)，其實黑鞋唔難買，但我又少著平底鞋，多數著波鞋同birkenstock，所以係買就買對靚o既，可以著得番先得，行左一陣，阿霖已call我出尖沙咀食飯了，所以冇買到鞋就走了，坐地鐵出尖沙咀時，就睇番頭先廖安麗送姶我的那本書，睇到廖啟智同盧敏兒講佢兒子臨離世前的一晚，好感人，已睇到眼濕濕了。

出到尖沙咀同阿霖去新廣中心三樓食鼎泰豐，D小龍包好好食，但其他餸o既款式就唔多，所以最後叫左2籠小龍包同一碟排骨飯。

跟住行去嘉連威老道果邊同車回家了。阿霖為到佢份工好唔開心，跟住一個衰上司，真係慘，希望你快d轉工成功啦!為你祈禱。

PS廖安麗送給我的日曆，裡裏有很多佢老公影的相，真係影得好靚，又有d心郁想去學影相。

29-1-08(二)放工6:00，出佐敦同dennis一齊去金嘉利食飯，跟住佢重送我返屋企tim。唔知某d人知道左會否好呷醋呢?