31-12-07(一)返8:30放5:30，今日都未有心情做野，我諗要玩埋今晚，放埋1月1日，d假放曬啦!冇咁重holiday mood先可以專心做野。

放學時朱正昕(朱仔)媽媽同我講話爸爸同佢買衫，覺得D2、3歲既人都會高過佢(佢已經4歲了)，爸爸同佢講點解你咁矮，正昕答佢：「而家唔矮得架咩!!」hahaha，朱仔你竟然咁串，但係笑死我地lor，媽媽又話係聖誕節呢幾日食到好野時，佢會講句英文「good eat!」勁wor，識創作英文tim，媽媽話佢重有好多呢d英文。朱仔新一年，真係要祝你快高長大了。

搞一搞我個travian條村，然後就走了，行去碼頭坐巴士去藍田，去到碼頭時，送車尾，於是等了幾個字，6:20上車，7:40先落車，係火車站樓下，大酒店對出那個灣塞左好耐，一過左家維村就暢順多了，好彩有部NDS機係身，如果唔係就悶死。

落車後，去了超巿買蘋果酒，跟住先去13樓搵Evelyn先(Evelyn同阿Joe住係同一座同一個單位，只是不同層數)，佢1月2日就會返加拿大，同佢傾左一陣計就走了，費事阿Joe佢地等咁耐，上到28樓時先發覺佢地已經去曬天台，於是上天台。

今晚有我、Phoebe、Mandy、Joe、阿金、偉仔一齊BBQ，已天氣就只是around 10度，好凍呀!我地用網o黎燒野食(勁懶)，跟住就抽下禮物，今次o既禮物條件係要買一份剛剛$13蚊既禮物o黎交換，我抽中一個廁紙盒同一個刷!
11:30開始收拾，11:55返落樓準備倒數，而阿Joe細佬都夾準時間一齊出o黎倒數。見電視機o既姐仔係維港旁著得勁少衫，真係凍死。109,8,7,6,5,4,3,2,1，新年快樂!

之後就玩wii fit，偉仔榮升筋肉大王，呢個game都幾好玩wor!跟住就有d人打機，有d人打牌，我都好耐冇打過牌了，之後鐘意捉圍棋後，我都唔再好打牌了。

打打下牌就問Phoebe借番張相機卡去入過番呢幾日o既相，同埋又整下travian條村，並發覺diseyland張飛有2個人問我$250賣唔賣，我就還下價$280。

玩到3:30時，Phoebe已訓著了，大家研究緊一係玩到5點先走，一係就而家走，其實大家都冇咩所謂，但如果玩到5點先走，6點前可以返到屋企，再沖埋涼訓覺，有機會搞到成6點幾，萬一被阿媽知我玩到咁夜，實有排(鵝)，其實一年中我都冇一晚會玩到咁夜la!不過小心駛得萬年船，都係而家走吧!
撘地鐵出旺角轉小巴，行經女人街，難得見到條見咁清，一條無曬商鋪既街，終於變番一條可以行車既街。

4:40左右回家了，。再沖埋涼，都搞到差唔多成6點訓。

其實2007都係過得唔錯既一年，而最開心就係係Taize過我o既生日。Thx god!