24-12-07(一)7點幾阿媽返工時，嘈醒了我，之後再訓過，我阿哥返工又嘈醒了我，9點幾起身，10點幾再訓過，精神真係唔好，到12點幾時，我阿爸開收音機又嘈醒了我。呀……訓一個覺連醒三次，真係痛苦，好彩唔駛返工啫。

跟住打日記同聽歌，3:30-5:30又訓覺，因為今朝實在訓得太差了。起身梳洗後，同阿媽去食大快活，8:00返崇會崇拜，牧師既講道幾好，講番聖誕節要有主角，有d人唔知聖誕節o既思都照景講merry christmas，聖誕節冇主角就正如你生日時，你d朋友話同你慶祝，但唔會請你去，同樣是荒謬。另我亦令我我諗番如果我冇信耶穌，我既生活會點，我諗我既生活如普通人一樣，行行企企食飯幾味，結婚生仔，睇小朋友大，然後老左等死，這樣的生活沒有盼望，沒有一個目標。我相信神造我，係會有我o既意義的，我要傳揚福音，見証主愛。

跟住去了教會門口唱詩歌，唱左一陣，就行出彌敦道唱，今年由牧師帶隊報佳音，牧師好搞笑，話冇人行時，唔駛唱得咁快，唔係就會好快冇無，今年報佳音，有氣氛，有生氣得多了!!!(我都有成3年冇去過報佳音了!對上一次好似係04年)

報完佳音，一行十二人去了家媛屋企玩，當中有我、Phoebe、Hazel、家媛、守怡、媚媚、阿牛、雯雯、琴姐、寶民、昇仔、誠誠、Chris。玩到點幾就走了，2點前己行到返屋企，跟住捉圍棋，搞到成4點半先訓，認真誇張。