22-11-07(四)學圍棋，有新同學Benny，阿sir話佢會同我地一齊上三個月堂，之後佢會返夜更，就返唔到學了，佢既棋力當幾勁，上完堂，我同阿根一齊對Frank，二對一幾好玩wor，跟住我地都有叫Joey、Benny一齊玩，幾個一齊捉下，研究下，會幾開心。但捉左一陣，我地就同對simon sir和killar玩數指棋。

23-11-07(五)上門訓，第一次開始有pair partner，我同千秋一組。

24-11-07(六)教師發展日，我8:15去到筲箕灣地鐵站會合阿蒙、阿彭、阿lo同阿何，跟住我一個人8:30先去筲箕灣崇真小學既reception到派野，9:00左右佢地都o黎到，一齊上6樓禮堂聽教會歷史，10點幾有茶點，點茶點好ok wor，自助餐形式供應，之後聽講道、我有訓著左，呢到訓著左都好少事，比著以往係保良既職員大會訓著左就大穫了。

午餐前先下操場影一張大合照，然後又食自助什餐，都一樣係豐富(以大會提供食物o黎講)。飯後參觀下幼稚園，下午就再分組聽講座，我同阿蒙一齊聽個別差異。講座後再集合番係禮堂講多陣野就完了。

4:30完，同阿蒙一齊行唐怡、吉之島，跟住食麥當勞雪糕，我坐小巴諗住去QE附近下車，但司機冇停車俾我，結果去到嘉樂附近先下車，再行番屋企。

25-11-07(日)係屋企HEA，睇左VCD，5點訓到到6點幾，夜晚同Frank捉圍棋，行錯一步，輸左，本來我都成2:30先訓覺，但竟然咁都失眠，就係因為諗緊呢盤棋，真係恐佈。

今日玩Travian成功攻佔了一條村，玩左呢個game幾個月，終於都d收穫，有成功感，但當我成功攻佔了這條村，除即收到另一個人派兵o黎攻打，佢條村離我條村有8個鐘距離，我只好徹兵，同不斷起行官o既級收，到最後那條村只是派了42個兵同埋一個參議員o黎打我，好彩我行官級數高，唔怕佢即刻攞返條村，早知我就留d兵守條村去刹埋佢個參議員啦!