9-11-07(五)放6:00，同阿蒙一齊去食米線，食到6:50，跟住行左去配藥，再去等小巴返教會(好彩Phoebe提醒了我，佢試過7點幾撘巴士經加士居道會塞車)，所以我改乘小巴，但係佛光街都一樣塞車，我差不多成7:40過D先返到教會。

上完門訓後，覆Tracy call，佢話佢明天唔係教會，想搵人明天返o黎幫敏儀整週刊，我話我明天學校要去旅行，不如而家上o黎幫你手，結果我同萍姐一起收拾notebook後，跟她上二樓，然後幫tracy手。(因Tracy明天會坐飛機去福洲探佢朋友，星期一先回來)

上到去同tracy打完招呼後，牧師知我上了來，行出來同我講野，問我同kanas係咪好熟(因我同Kanas一齊去聽俾士o既歷史)，我話佢係佢我導師，牧師話第時有d音樂…等既活動，可以搵佢去，我話牧師你咁忙邊得閒呀!跟住佢話月尾有個音樂活動，然後打開報紙俾我睇，好似係太古樂團既免費音樂會，我話我果日要上門訓，跟住佢話咁你去唔到，都可以幫我攞飛，下…咁都得!!真係O嘴，我見要通利先有飛攞，我話我唔會經呢個地方，一係幫你上網睇下攞唔攞到飛，結果網上既飛已派完了。

跟住幫Tracy寫係label上寫人名，for下星期堂區會開會用，寫完就回家了。