18-10-07(四)訓咁少，真係唔係好掂，但亦都無驚無險過左一天，放5:00，5:30去做facial，今日阿嬌同我做，佢先話有隻眼好黑，冇計啦!琴晚訓計少，我真係老左了，以前黑眼圈都唔會搵我既，而家夜訓左一晚啫，就即係中招，挨…!

做到7:30，跟住行TST o既通利琴行，諗住買方舟東遊記音樂劇既飛，點知去到通利時，佢己經閂左門。之後就同火車入沙田同阿霖食晚飯，食POKKA，飯後行城門河，過左橋係河邊坐低時，見到山上有一個發光十字架，好靚，原來道風山就係呢到，我一直都想知道風山係邊，但又成日都唔記得去查地圖，就係今曰呢個機緣巧恰下見到。

傾到11點左右，行番去新城巿廣場，11:30左右Alex就o黎車番我出九龍，阿霖都有叫我今晚去佢屋企訓，因為佢明天早上都會返何文田車屋企人上寶福山，但我阿媽唔俾lor。

返到12點10就返到屋企，上MSN，誠誠問我係咪想睇方舟東遊記，我話係，跟住佢話佢有星期六的免費飛，感謝主，我今天咁啱買唔成飛，跟住就有免費飛，真係一個好夾既timing。

今晚重過份，因為睇小書，睇到成4點先訓，雖然明天重陽節假期唔駛返，但都唔可以咁放肆，冇計，我追開小說係好難會收手，同埋呢幾年返學都好少睇小說，難得今年冇進修，要盡情睇多d先得。