4-9-07(二)早上仍然繼續開心，行路回學校時，又對牧師o黎探訪有多一個感受，就係得到牧師o黎探訪o既開心同心情會否就似以前罪人得到主耶穌來探訪時咁呢?

下午去安怡幼兒學校(油塘)開會，係小巴站撞到芊芊媽媽同佢姐姐，同佢談傾下，然後坐6小巴去土瓜灣，再轉14巴士入油塘。2:25出門，大概一小時就到了。

從未去過安怡，憑直覺和自己對中原map o既記憶，搵到呢間學校，好彩我都幾鐘意自己去發掘下d地方同道路。

我到5:00就走得了，俾原先要放5:30既時間，賺左半小時，跟住去了Mandy屋企，因為佢整傷了腳，唔行得，要請假。

我覺得佢屋企除左交通麻麻外，其實都好好，因為有個好開揚o既海景，海濶天空，勁!

跟住等偉仔o黎埋後，就一齊去啟田商場食八喜，Mandy行動不便要坐輪椅，好彩偉仔係到推佢，我推幫手推過小小小路，最難係落斜位，都幾危險。

7:30坐低叫餸後，Phoebe都話o黎，等埋佢o黎到8點2,3就有得食了。

飯後行路觀塘坐17號巴士，亦好好彩地，我上到車坐低後，外面就下大雨了。

10點幾大哥返左o黎屋企，都好似有成年冇見佢了，佢d皮膚比我更差，也要為他祈禱先得了，佢話中秋可能會返o黎食飯，希望佢唔好失約啦!

到佢準備走時，老樂都返了來，好耐冇試過三兄妹同一時間係間屋到出現。