3-9-07(一)放工時見到有個教會miss call，聽留言先知係林崇智牧師，諗唔明牧師搵我做咩，唔通係關於星期六填左關放在教會是做老師的資料有關?

覆佢call先知原來係佢想約我探訪，事由琴日崇拜時，牧師寫了第一封牧函，話可以探訪我地，如果屋企唔方便，約出街食飯也可以，但由我地俾錢。好鐘意牧師呢個舉動，因為睇得出佢在乎人，咁我就填左form la(雖然我屋企好混亂，如果牧師唔介意o黎，我都冇所謂，但係佢話可以約出街都得)。

但崇拜完後，我又趕住走，應該係冇交到form，我諗應該係我將份form連埋份場刋一齊遺留係張椅到，有人收紙時，幫我交左form。

冇諗過牧師o既效率更快，令我咁快有回覆(唔通冇乜人交form?)心情非常開心，現約定了9月13日(四)返聖堂先。

牧師探訪呢個事，都令我有d感受：如果而耶穌話要o黎下我個心，我會請佢遲d o黎，因為我o既黑暗面唔敢面對佢。

晚上同阿媽一齊坐212巴士出朗豪坊，同鸞姨慶祝生日，食霞飛路。

凱怡、阿姨未o黎前，係度打NDS，打打了發覺唔見左枝筆，死啦!部機新買就咁快唔見左枝筆，唔通頭先坐巴士玩果陣時跌左?好彩有多枝後備筆。

到埋單時，待應收曬d碟時，就見到枝筆，原來佢係涉左係d蹀到。

跟住同阿媽行路回家。