2-9-07(日)8點2起身，好累，怕頂唔住今日咁多既節目，打算同阿B改上八課時間，由原先大家一齊返完早堂，然後上八課，改為大家一齊返午堂，然後上八課。

係午堂唔見阿B，原來佢知會遲到成11:45先返到來，所以不叵來，等我崇拜後call她，12:50同佢傾電話，本想去佢屋企同佢一齊上八課，同食lunch，但我2:05分要睇戲了。所以我地最後都只係去食lunch算了，因我唔想上一堂冇quality既八課，寧願下次先上。

同阿B食西門町，我地食飯時都有分享信仰架!早幾日同雯雯、浩堅講我少同人分享信仰，今日就有機會了，神你係得o既!

去家樂商場搵埋鵬嫂、阿Joe就一齊去百老滙睇戲 – o黎多件衰鬼上帝，套戲都幾好睇，睇左個半鐘，都唔覺有咁長，冇悶場，重幾好笑!

以前挪亞要做方舟實在不是一件易事，而人突然間遇見神，並要接受神既使命，也不是一件易事，因為放唔低自己所認為要做的，在惜俗裏的人都覺得你係傻o既時候，你仍願意按神的旨意行嗎?

睇完戲，去嘉樂商場換了張迪士尼飛同個鎖匙扣，跟住去phoebe去開o既法型屋到電負離子，雖然4月電完，但7月剪了頭髮後，前面d頭髮好曲，唔係好接受到，冒住電得太密會有危機既情況下再電，電完又真係好好多wor!

4:30整到7:30，只是3個鐘頭，真係快。回家同阿媽去大快活食飯，我又有同阿媽講我今日睇既電影，同埋感受，真係要多d同人講下信仰先得呀!因要使萬民作他的門徒。